Qazaqstanda aýrýhana qurylysynda Túrkııanyń tájirıbesi eskerilmek
«Aǵymdaǵy jylǵy sáýirde meniń tóraǵalyǵymmen QR Ulttyq ekonomıka jáne Qarjy mınıstrlikteriniń ókilderimen birlesip, Túrkııada sátti iske asyrylyp jatqan memlekettik-jekeshelik áriptestik modelin zerdeledik. Túrkııanyń 2010-2023 jyldarǵa arnalǵan MJÁ-si gospıtaldyq baǵdarlamasy jalpy qýaty 44 myńnan astam tósektik 32 iri kópbeıindi aýrýhana salýdy qamtıdy. Baǵdarlama halyqaralyq qarjy ınstıtýttarynyń qarjylyq jáne konsýltatıvtik qoldaýymen iske asyrylady», - dedi mınıstr.
Bul baǵdarlama jetistiginiń faktorlaryna toqtalsaq, nysandardy salý jeke ınvestıtsııalar esebinen júzege asyrylady. Óz kezeginde nysan paıdalanýǵa berilgennen keıin, salynǵan qarajatty memleket 25 jyl ishinde qoljetimdilik úshin aqy tóleý arqyly qaıtarady jáne jekeshe áriptes kórsetetin medıtsınalyq emes qyzmetterge aqy tóleıdi. Investorǵa valıýtalyq táýekelden jáne ınflıatsııa táýekelinen qorǵaýǵa kepildik jasalǵan, sondaı-aq jobalyq qýattyń 70 paıyz deńgeıinde qyzmetterdiń eń az kólemine kepildik berilgen.
Túrik tarapy usynǵan taldaý memlekettik qurylyspen salystyrǵanda nysandar merziminde qurylatynyn, nysandardyń sapasy men jaraqtandyrylýy zamanaýı talaptarǵa sáıkes keletinin, aýrýhananyń barlyq protsesterine úzdiksiz qyzmet kórsetýdi qamtamasyz etetinin kórsetti. Kelisimshart boıynsha aqy tóleý jekeshe áriptestiń 600 sapaly ındıkatoryn oryndaý eskerile otyryp, júzege asyrylady.
«Taraptardyń táýekelderin bólýge múmkindik beretindikten, bul shema álemdegi barynsha keńinen taraǵan. Osyǵan baılanysty, birinshi kezeńde qanatqaqty jobalar retinde Qaraǵandy, Almaty, Petropavl jáne Nur-Sultan qalalarynda 5 iri kópbeıindi medıtsınalyq klasterdi iske asyrý usynylady. Bul nysandar áleýmettik mańyzdy jáne basym baǵyt bolyp sanalady», - dedi E. Birtanov.
Osyǵan baılanysty mınıstr Túrkııa tájirıbesi aıasynda ınfraqurylymdyq model boıynsha MJÁ jobalaryn iske asyrý úshin zańnamaǵa ózgerister engizý qajettigin atap ótti.