Qazaqstanda aýmaqtyq damý jospary ázirlenedi

NUR-SULTAN. QazAqparat - 2021 jyldyń 1 shildesine deıin Qazaqstanda aýmaqtyq damý jospary ázirlenedi. Bul týraly Úkimettiń keńeıtilgen quramdaǵy otyrysynda Strategııalyq josparlaý jáne reformalar agenttiginiń tóraǵasy Qaırat Kelimbetov málim etti, dep habarlaıdy QazAqparat tilshisi.

«Ulttyq damý jospary, Aýmaqtyq damý jospary Ulttyq qaýipsizdik strategııasy sekildi memlekettik apparattyń ortalyq ári óńirlik deńgeılerde maqsattar men mindetterin aıqyndaıdy. Sonymen birge, Qazaqstannyń aýmaqtary men óńirlerin damytý aıryqsha mańyzǵa ıe bolady», - dedi Q. Kelimbetov.

Onyń aıtýynsha, aýmaqtyq damý jospary memlekettik josparlaý júıesiniń birinshi deńgeıine bekitildi. Osy oraıda onyń Ulttyq damý josparymen naqty ózara baılanysyn qamtamasyz etý maqsaty eskerildi.

«Jalpy, Aýmaqtyq damý jospary óńilerdiń róli men jaýapkershiligin arttyrý múmkindigin qarastyrady, sondaı-aq Qazaqstannyń aýmaqtyq keńistik damýyn qamtıdy. 2021 jyldyń 1 shildesine deıin aýmaqtyq damý josparyn ázirleý eskerilip otyr. Ol eldiń ár óńiriniń básekelestik basymdyǵy negizinde qurylady», - dedi Kelimbetov.