Qazaqstanda aýyr sozylmaly aýrýlary bar patsıentterge pallıatıvtik kómekke qoljetimdilik artady

ASTANA. KAZINFORM — Densaýlyq saqtaý mınıstrligi kelesi jyldyń basynan osy qyzmettiń múmkindikterin keńeıtý jáne aýyr sozylmaly aýrýlary bar patsıentterdi qamtý maqsatynda pallıatıvtik kómekti qarjylandyrýdy 42%-ǵa ulǵaıtýda.

Búgin Úkimettiń múgedektigi bar adamdardy áleýmettik qorǵaý máseleleri jónindegi otyrysynda atap ótilgendeı, Densaýlyq saqtaý mınıstrligi laıyqty kútimdi qamtamasyz etý jáne pallıatıvtik kómekke muqtaj barlyq qazaqstandyqtarǵa qoldaý kórsetý úshin baǵdarlamalardy jetildirýdi jalǵastyrady.

«Medıtsınalyq ońaltýǵa keletin bolsaq, medıtsınalyq kómektiń bul túri eresekterge kardıologııa, kardıohırýrgııa, nevropatologııa, neırohırýrgııa, travmatologııa, ortopedııa, sondaı-aq qaterli isikteri bar naýqastar sııaqty jeti beıin boıynsha kórsetiledi. Sońǵy 3 jyldyń ishinde ońaltý tósekteriniń sany eki ese, 772 densaýlyq saqtaý uıymynyń bazasynda 8 myńǵa deıin ulǵaıdy», — dep jazdy mınıstrlikten.

Sońǵy 5 jyldyń ishinde eresek turǵyndardyń múgedektik qurylymy ózgerissiz qaldy. Birinshi orynda qanaınalym júıesiniń aýrýlary (26,8%), ekinshi orynda — qaterli isikter (26,2%), úshinshi orynda — psıhıkalyq aýrýlar (22,1%) tur.