Qazaqstanda áýe taksıleri men drondarǵa arnalǵan jańa júıe engiziledi
ASTANA. KAZINFORM — Qazaqstan Respýblıkasy Prezıdentiniń Koreıa Respýblıkasyna memlekettik sapary aıasynda Qazaqstanda qalalyq áýe mobıldiligi (UAM), ushqyshsyz avıatsııa jáne tómen bıiktiktegi áýe keńistigin tsıfrlyq basqarý tehnologııalaryn damytý boıynsha jańa ýaǵdalastyqtarǵa qol jetkizildi. Bul týraly Kólik mınıstrligi málim etti.
Kólik salasyn tsıfrlandyrý baǵytyndaǵy negizgi qujattardyń biri — Qazaqstan Respýblıkasy Kólik mınıstrligi, Qazaqstan Respýblıkasynyń Jasandy ıntellekt jáne tsıfrlyq damý mınıstrligi jáne Koreıa Respýblıkasynyń Jer, ınfraqurylym jáne kólik mınıstrligi (MOLIT) arasynda ózara túsinistik týraly memorandýmǵa qol qoıý boldy.
Qujatqa Qazaqstan Respýblıkasy Premer-Mınıstriniń orynbasary — Jasandy ıntellekt jáne tsıfrlyq damý mınıstri Jaslan Mádıev, Qazaqstan Respýblıkasy Kólik mınıstri Nurlan Saýranbaev jáne MOLIT mınıstri Kım ıÝn Dok qol qoıdy.
— Memorandým tehnologııalar transferin júzege asyrýǵa, ushqyshsyz avıatsııalyq júıelerdiń qozǵalysyn basqarý júıesin (UTM) ázirleýge jáne engizýge baǵyttalǵan. Sondaı-aq qujat UTM salasynda tolyqqandy úkimetaralyq kelisim daıyndaý múmkindigin qarastyrady, — dep habarlady mınıstrlikten.
Jobany praktıkalyq iske asyrý boıynsha ýákiletti seriktester retinde Koreıa Respýblıkasynyń memlekettik Korea Airports Corporation (KAC) korporatsııasy jáne qazaqstandyq Alatau Advance Air Group Ltd. (AAAG) kompanııasy aıqyndaldy.
Yntymaqtastyq tómen bıiktiktegi áýe keńistigin basqarýǵa arnalǵan zamanaýı tsıfrlyq tehnologııalar men sheshimderdi Qazaqstanǵa berý jáne jergilikti jaǵdaıǵa beıimdeýdi, sondaı-aq ushqyshsyz avıatsııalyq júıelerdi, eVTOL áýe kemelerin jáne áýe kóliginiń basqa da túrlerin Qazaqstannyń biryńǵaı tsıfrlyq ekojúıesine qaýipsiz ıntegratsııalaýǵa qajetti tehnologııalyq negiz qalyptastyrýdy kózdeıdi.
Qol jetkizilgen ýaǵdalastyqtar aıasynda Qazaqstanda UTM júıesin jergilikti deńgeıde engizý úshin qajetti tehnologııalar men tsıfrlyq sheshimderdi berý josparlanýda. Bul tehnologııalyq táýelsizdikti qamtamasyz etýge, júıeni jergilikti deńgeıde basqarýǵa jáne derekterdi Qazaqstan Respýblıkasynyń zańnamasy talaptaryna sáıkes óńdeýge múmkindik beredi.
— Jańa tehnologııalardy qaýipsiz engizý maqsatynda Qazaqstan Respýblıkasy Kólik mınıstrligi jobaǵa qatysýshylar úshin eksperımenttik quqyqtyq rejımdi jáne memlekettik qoldaýdyń tıisti sharalaryn qoldaný múmkindigin qarastyrady, — delingen habarlamada.
Jobany iske asyrý barysynda Halyqaralyq azamattyq avıatsııa uıymynyń (ICAO) qoldanystaǵy halyqaralyq standarttary men usynylatyn praktıkasy, sondaı-aq Qazaqstan Respýblıkasynyń avıatsııalyq qaýipsizdik, kıberqaýipsizdik jáne asa mańyzdy ınfraqurylymdy qorǵaý salasyndaǵy talaptary eskeriletin bolady.
KAC pen AAAG yntymaqtastyǵy Qazaqstanda qalalyq áýe mobıldiligi ekojúıesin qalyptastyrý jónindegi aýqymdy baǵdarlamanyń bir bóligi bolyp tabylady. Baǵdarlama áýe qozǵalysyn tsıfrlyq basqarý júıesin, eVTOL áýe kemelerine arnalǵan ınfraqurylymdy, vertıporttardy jáne ushqyshsyz logıstıkaǵa arnalǵan sheshimderdi damytýdy qamtıdy.
Alatau City Qazaqstanda UTM-niń ozyq sheshimderin praktıkalyq engizý jáne zamanaýı áýe mobıldiligi ekojúıesin qalyptastyrý boıynsha alǵashqy alań bolady.
Eske sala keteıik, Qazaqstan Respýblıkasy men Koreıa Respýblıkasy syrtqy ister mınıstrleri bolashaqqa baǵdarlanǵan qazaq-koreı qarym-qatynasyn jan-jaqty strategııalyq seriktestik deńgeıine deıin kóterý týraly verbaldi notalar almasty. Qazaq-koreı kelisimderi energetıka, ǵylym, jumyspen qamtý jáne týrızm salasyn qamtydy.
