Qazaqstanda áýe kóligi parkin jańartý qarqyny qalaı
ASTANA. KAZINFORM — Bıyl Qazaqstanǵa 18 jańa ushaq jetkiziledi. Bul týraly Kólik mınıstrliginen málim etti.
- 2024 jyly otandyq avıakompanııalar parki 10 bortqa (Air Astana) tolyqtyrylyp, 102 bort boldy. 2025 jyly áýe kemeleriniń parkin 18 ushaqqa kóbeıtý josparlanyp otyr, - delingen mınıstrliktiń Kazinform agenttigine bergen jaýabynda.
Bul turǵyda Air Astana-ǵa 8, SCAT kompanııasyna - 7, sondaı-aq Qazaq Air-ge 3 ushaq qosylady. Jalpy, 2025 jyldyń qorytyndysy boıynsha ushaqtar parki 120-ǵa jetkizilmek.
Eske salsaq, jaqynda Kólik mınıstrligi bıyl halyqaralyq baǵytta jańadan qandaı áýe reısteri ashylatynyn jarııalady.
Jaqynda «Samuryq-Qazyna» Qazaq Air aktsııalaryn satyp alý-satý shartyna qol qoıylǵanyn jarııalady.
Osy oraıda Qazaq Air kompanııasy eldiń áýe kóligi naryǵynda qyzmetin jalǵastyrýyna qatysty derekter naqtylandy.