Qazaqstanda áýe bıletteriniń naryǵy 2016 jyldyń basynan beri 8 paıyzǵa quldyrady

Onyń aıtýynsha, halyqaralyq áýe kóligi qaýymdastyǵynyń derekteri boıynsha, Qazaqstanda 2014 jyly áýe bıletteri naryǵynyń kólemi 900 mln dollardy quraǵan.

«QR Statıstıka jónindegi komıtetiniń derekterine sáıkes, jyl saıynǵy ósim - 9 paıyzǵa jetti. Biraq, sońǵy 1,5 jyl ishinde álemdik daǵdarys oryn aldy. Sondyqtan naryq birshama basqa deńgeıde damydy. Brondaý júıesiniń derekterine súıensek, 2015 jyly naryq 2014 jylmen salystyrǵanda - 8 paıyzǵa tómendedi.    

2016 jyly da bul qubylys saqtalýda - alǵashqy jarty jyldyqta naryq - 8 paıyzǵa quldyrady», - dedi Nıkolaı Mazentsev.

Onyń aıtýynsha, naryqtyń quldyraýy birinshi kezekte áýe bıletteriniń ortasha baǵasynyń 70 paıyzǵa qymbattaǵanyna baılanysty bolyp otyr. ıAǵnı, adamdarǵa shet elderge ushý qymbatqa túsýde.

«Adamdar shet elderge az usha bastady. Olar qazir ishki týrıstik mekenderge basymdyq berip jatyr. Eger 2014 jyly áýe bıletteriniń 78 paıyzy shet elderge baǵyttalsa, 2016 jyly bul baǵyt 64 paıyzdy qurady. Sonyń saldarynan suranys qurylymy da ózgere bastady. Mysaly, qazir Tbılısı - qazaqstandyqtar úshin bıyl eń suranysqa ıe baǵyt bolyp otyr», - dedi ol.

Óz kezeginde Altyn Bank AQ basqarma tóraǵasy Asqar Smaǵulov Qazaqstanda áýe bıletteriniń qunyn bólip tóleýge múmkindik paıda bolǵandyǵyn jetkizdi.

«Bul banktiń nesıesi emes. Biz klıent úshin bılet qunyn 100 paıyz tóleımiz. Al klıent, 30 paıyzyn ǵana tólese bolǵany. Qyzmetti kórsetý merzimi - 14 kúnnen 6 aıǵa deıin», - dedi Asqar Smaǵulov.

Chocotravel kompanııasynyń áýe bıletterin onlaın rejiminde satý servısi men Altyn-I sandyq banki áýe bıletterin kez-kelgen kólemde, kez-kelgen baǵytta satyp alýdy usynady. Bul jerde bılet qunyn 14 kúnnen 6 aıǵa deıin bólip tóleýge bolady.

Asqar Smaǵulovtyń aıtýynsha, bólip tóleýge qatysty mólsherleme tólenbeıdi.