Qazaqstanda aýa temperatýrasy klımattyq normadan 5-7 gradýsqa artyq - Qazgıdromet
ASTANA. 25 maýsym. QazAqparat - Qazirgi ýaqytta Qazaqstannyń basym aýmaǵynda kún raıy ashyq, sondyqtan da táýliktegi ortasha aýa temperatýrasy klımattyq normadan 5-7 gradýsqa artyq, dep habarlady Qazgıdromettiń baspasóz qyzmeti.
«Degenmen aýa massalarynyń, sondaı-aq atmosferadaǵy soltústik-batys aǵymdardyń aýysýy respýblıkanyń batysy men soltústik-batysynda aýa temperatýrasynyń tómendeýine ákeldi, aptanyń ortasyna qaraı qalǵan aýmaqtarda da aýa baǵamy tómendeıdi dep kútilýde», - delingen habarlamada.
Sınoptıkter atap ótkendeı, atmosferalyq aǵymdar jeldiń kúsheıip, respýblıkanyń jekelegen aýdandarynda nóserli jańbyr men burshaq jaýýyna septigin tıgizedi. Degenmen aýa baǵamy qatty tómendemeıdi. Respýblıkanyń ońtústigi men ońtústik-shyǵysynda kúndiz aýanyń temperatýrasy +28-33 gradýsty kórsetedi, soltústik, ortalyq pen shyǵysta +25+30 gradýs bolady.
