Qazaqstanda aýa temperatýrasy 40 gradýsqa deıin tómendeıdi
NUR-SULTAN. QazAqparat– Elimizdiń soltústik óńirlerde aýa temperatýrasynyń -32 - 40℃ deıin tómendeıdi, dep habarlaıdy QazAqparat «Qazgıdromet» RMK-ǵa silteme jasap.
«Salehard aýdandarynan sýyq antıtsıklon Qazaqstannyń aýa raıyna áser etedi. Jaýyn-shashynnyń toqtatylýy jáne aýa temperatýrasynyń tómendeýi yqtımal: ońtústik aımaqtarda -10...-20℃ deıin, soltústik aımaqtarda -32...-40℃ deıin. Elimizdiń keı jerlerinde tuman jáne jeldiń kúsheıýi kútiledi», delingen Qazgıdromet habarlamasynda.
Budan buryn sınoptıkter respýblıkanyń basym bóliginde qar jaýatyndyǵyn, al eldiń ońtústigi men ońtústik-shyǵysynda jańbyr men qar túrinde jaýyn-shashyn bolatyndyǵyn málim etken bolatyn. Sondaı-aq respýblıkanyń keı jerlerinde tuman, kóktaıǵaq, jaıaý burqasyn, ekpindi jel saqtalady. Ońtústik, ońtústik-shyǵysta jeldiń jyldamdyǵy tipti 30 m/s jáne odan asýy yqtımal.
