Qazaqstanda aýa raıynyń turaqsyz sıpaty saqtalady, tuman, kóktaıǵaq, burqasyn kútilýde - sınoptıkter
ASTANA. 5 aqpan. QazAqparat - Búgin Qazaqstan aýmaǵynyń kóptegen bóligi atmosferalyq frontaldyq bólikterdiń yqpalynda bolyp, onymen birge aýa raıynyń turaqsyz sıpaty saqtalady.
Atap aıtqanda, jaýyn-shashyn jaýyp, keıbir jerlerde tuman, kóktaıǵaq, burqasyn, jeldiń kúsheıýi baıqalady.
Bul týraly QR TJM Qazgıdrometke silteme jasap habarlady.
Máselen, Aqmola oblysynda túnde jáne tańerteń keıbir jerlerge tuman túsedi.
Almaty, Jambyl, Batys Qazaqstan, Atyraý oblystarynyń jekelegen jerlerin tuman basyp, kóktaıǵaq bolady, jeldiń ekpini 15-20 m/s-qa deıin kúsheıýi yqtımal.
Ońtústik Qazaqstan, Qyzylorda, Soltústik Qazaqstan oblystarynyń keıbir jerlerinde tuman bolady.
Mańǵystaý oblysynyń keı aýmaqtarynda tuman túsip, jeldiń jyldamdyǵy 15-20 m/s-qa deıin kúsheıýi kútilýde.
Qaraǵandy oblysynda túnde tuman bolady.
Shyǵys Qazaqstan oblysynyń keıbir jerlerinde 15-20 m/s jyldamdyqtaǵy jel jáne burqasyn kútilýde.
Jaqyn táýlikterde respýblıkanyń ońtústik, ońtústik-shyǵys jáne shyǵysyndaǵy ózenderde sý deńgeıleri aýytqýy yqtımal. Qazaqstannyń qalǵan sýly nysandarynda gıdrologııalyq rejımde aıtarlyqtaı ózgerister bolmaıdy.
