Qazaqstanda aýa raıynyń turaqsyz sıpaty saqtalady - 18 qańtarǵa arnalǵan boljam
ASTANA. 17 qańtar. QazAqparat - 18 qańtarda Qazaqstannyń búkil aýmaǵy derlik burynǵysha atmosferalyq aǵyndardyń yqpalynda bolyp, aýa raıynyń turaqsyz sıpaty saqtalady, keı jerlerde qar jaýyp, burqasyn kóteriledi, kúshti jel turady, kóktaıǵaq bolady.
Bul týraly TJM Qazgıdrometke silteme jasap habarlaıdy.
Respýblıkanyń ońtústigi men ońtústik-shyǵysy ǵana antıtsıklon yqpalynda bolyp, aýa raıynyń ashyq bolýy kútiledi.
Almaty oblysynda keı jerlerde tuman túsedi, kóktaıǵaq bolady, jeldiń kúshi túnde 15-20 m/s-qa deıin jetedi.
Jambyl oblysynda - keı jerlerde jeldiń ekpini 15-20 m/s.
Mańǵystaý, Atyraý oblystarynda - keı jerlerde tuman, kóktaıǵaq bolyp, túnde jel 15-20 m/s-qa deıin kúsheıedi.
Batys Qazaqstan oblysynda keı jerlerde tuman, kóktaıǵaq, burqasyn, kúndz jeldiń ekpini 15-20 metr-sekýndqa deıin kúsheıedi.
Aqtóbe, Qostanaı, Soltústik Qazaqstan oblystarynda keıbir jerlerde tuman túsýi kútiledi.
Qaraǵandy, Shyǵys Qazaqstan, túnde - Aqmola oblystarynda jeldiń kúshi sekýndyna 15-20 metrge jetip, burqasyn kóteriledi.
Taıaýdaǵy táýlikterde respýblıkanyń ońtústik, ońtústik-shyǵys jáne shyǵys bóligindegi taýly ózenderde sý deńgeıiniń qubylýy baıqalady. Qazaqstannyń basqa aýmaqtaryndaǵy sý nysandarynda gıdrologııalyq rejımde eleýli ózgerister kútilmeıdi.
