Qazaqstanda aýa raıyna baılanysty birqatar tasjol jabyldy
NUR-SULTAN. QazAqparat – Aýa raıynyń qolaısyzdyǵyna baılanysty respýblıkalyq mańyzy bar 4 tasjolda qozǵalys shekteldi, dep habarlaıdy QazAqparat.
QR IIDM baspasóz qyzmetiniń málimetinshe, Óskemen-Rıdder-RF shekarasy tasjolynyń 15-105 shaqyrymy aralyǵynda (Beloýsovka-Rıdder) tirkemesi bar jáne jartylaı tirkemesi bar júk kólikterine qozǵalys shektelgen. Óskemen- Shemonaıha - RF shekarasy tasjolynyń 15-105 shaqyrymy aralyǵynda (Glýbokoe-Shemonaıha) tirkemesi bar jáne jartylaı tirkemesi bar júk kólikterine jolda júrýge tyıym salyndy. Semeı-Qaınar tasjolynyń 8-144 shaqyrymy aralyǵynda (Semeı-Sarjal), Óskemen- Shemonaıha - RF shekarasy tasjolynyń 105-123 shaqyrymy aralyǵynda (Shemonaıha- RF shekarasy) jol jabyldy.
Vedomstvonyń aqparaty boıynsha, respýblıkalyq mańyzy bar tasjoldarda 773 tehnıka jumys istep jatyr.
Aqtóbe-Bolgarka-Shubarqudyq» tas jolynyń 17 shaqyrymynan (Sazdy aýyly) - 190
shaqyrymyna deıin («Aqtóbe-Astrahan» tas joly) barlyq avtokólik túrine qozǵalys toqtatyldy.
Tótenshe oqıǵaǵa tap bolǵan júrgizýshiler 1403 nómirine baılanysa alady.
Eske salaıyq, sınoptıkterdiń boljaýynsha búgin Qazaqstanda qar jaýyp, birqatar óńirde boran jáne kóktaıǵaq bolady.
