Qazaqstanda aýa raıy turaqsyz sıpatta bolady - 2 aqpanǵa arnalǵan aýa raıy boljamy
ASTANA. 1 aqpan. QazAqparat - Qazaqstannyń barlyq derlik aýmaǵy tsıklon jáne onymen baılanysty frontaldyq bólikterdiń yqpalynda bolady, onymen birge 2 aqpan kúni aýa raıy turaqsyz sıpatta bolady dep kútilýde, jaýyn-shashyndar bolyp, keıbir jerlerde jel kúsheıedi, jekelegen aýdandarda tuman, kóktaıǵaq, soltústik oblystarda - burqasyn kútiledi.
Shyǵysta ǵana jaýyn-shashynsyz kún raıy kútiledi, dep habarlaıdy Qazgıdrometke silteme jasaǵan TJM-niń baspasóz qyzmetinen.
Jambyl, Ońtústik Qazaqstan, Qyzylorda, Mańǵystaý oblystarynyń keıbir jerlerinde tuman, kóktaıǵaq, jeldiń 15-20 m/s jyldamdyqpen soǵýy, Jambyl oblysynyń keıbir jerlerinde jel ekpininiń 23-28 m/s deıin kúsheıýi kútilýde.
Aqtóbe, Qostanaı oblystarynyń keıbir jerlerinde tuman, kóktaıǵaq, 15-20 m/s deıin kúsheıetin burqasyndy jeldiń soǵýy kútiledi.
Soltústik Qazaqstan oblysynyń keıbir jerlerinde tuman, burqasyn, jeldiń 15-20 m/s deıin jetýi yqtımal.
Almaty, Shyǵys Qazaqstan oblystarynyń keıbir jerlerinde jeldiń jyldamdyǵy 15-22 m/s deıin kúsheıedi, Almaty oblysynyń keıbir jerlerinde tuman túsýi múmkin.
Aqmola oblysynyń keıbir jerlerinde jel jyldamdyǵy 15-20 m/s deıin jetip, burqasyn bolady.
Atyraý oblysynyń keıbir jerlerinde tuman túsip, kóktaıǵaq bolady.
Jaqyn úsh táýlikte Ońtústik Qazaqstan jáne Jambyl oblystarynyń jekelegen alasa taýly ózenderinde jaýyn-shashyndarǵa baılanysty sý deńgeıi kóterilýi múmkin. Respýblıkanyń ońtústik-shyǵys jáne shyǵysyndaǵy ózenderde sý deńgeıiniń aýytqýy baıqalady. Qazaqstannyń qalǵan sý nysandarynda gıdrologııalyq rejımde aıtarlyqtaı ózgerister kútilmeýde.
