Qazaqstanda aýa raıy turaqsyz bolady dep kútilýde, jańbyr jaýyp, naızaǵaı jarqyldaıdy - Qazgıdromet
ASTANA. 9 qyrkúıek. QazAqparat - Qazaqstan aýmaǵynyń basym bóliginde aýa raıy turaqsyz bolady dep kútilýde, keı jerlerde jańbyr jaýyp, naızaǵaı jarqyldaıdy, jel kúsheıedi, túnde soltústiktiń keı jerlerinde tuman túsedi dep kútilýde, dep habarlaıdy Qazaqstan Respýblıkasy Qorshaǵan ortany qorǵaý mınıstrligi «Qazgıdromet» RMK málimetterine silteme jasap, QR TJM baspasóz qyzmetinen.
Tek respýblıkanyń ońtústiginde jáne ońtústik-shyǵysynda aýa raıy jaýyn-shashynsyz, ystyq bolady dep kútilýde.
Aqmola oblysynda keı jerlerde 15-20 m/s jel soǵady dep kútilýde, túnde jáne tańerteń keı jerlerde tuman túsedi.
Mańǵystaý, Atyraý, Aqtóbe, Qaraǵandy oblystarynda, túnde Pavlodar oblysynda, kúndiz Batys Qazaqstan, Shyǵys Qazaqstan oblystarynda keı jerlerde jel 15-20 m/s-qa kúsheıedi dep kútilýde.
Qostanaı oblysynda túnde jáne tańerteń keı jerlerde tuman túsedi, kúndiz jel 15-20 m/s-qa kúsheıedi dep kútilýde.
Soltústik Qazaqstan oblysynda túnde jáne tańerteń keı jerlerde tuman túsedi.
Qyzylorda oblysynda - kúndiz keı jerlerde jel 15-20 m/s-qa kúsheıedi, shań kóterilip, daýyl turady.
Almaty oblysynda, Jambyl oblysynyń keı jerlerinde kúndiz qatty ystyq bolady.
Respýblıkanyń ońtústiginde, ońtústik-shyǵysynda, ortalyǵynda keı jerlerde jáne soltústik-batysynda joǵary órt qaýpi saqtalady.
Jaqyn táýlikterde Qazaqstannyń ońtústigi, ońtústik-shyǵysy jáne shyǵysynyń taýly ózenderinde sý deńgeıiniń turaqsyzdyǵy baıqalady. QR basqa sý nysandarynda gıdrologııalyq tártipte aıtarlyqtaı ózgerister kútilmeıdi.
