Qazaqstanda aýa raıy -35ºC deıin sýytady
ASTANA. QazAqparat - Elimizde 19 jáne 20 qańtarda qatty aıaz bolady dep kútilýde, dep habarlady Qazgıdromet.
Reseıdiń Sibirdegi Taımyr ólkesinen bastalǵan sýyq antıtsklon Qazaqstannyń soltústik, ortalyq jáne shyǵys oblystaryna yqpal etetin bolady.
Aldaǵy táýlikterde 19-20 qańtarda qatty aıaz bolyp, túngi temperatýra 30-35ºC, al kúndiz 20-25ºC aıaz bolady dep kútilýde. Oǵan kúshti jel men burqasyn qosylyp, kún odan saıyn sýyta túspek.
21 qańtarda ońtústik tsıklonnyń tegeýrinimen antıtsıklon men aıaz shyǵysqa qaraı aýysady.
Respýblıkanyń batysynda Qara teńizden tsıklon yqpalymen jylbysqy qar jaýyp, jel 15-25 m/s-qa jetip, temperatýra 3-8ºC-qa klımattyq normadan artady dep kútilýde.
Ońtústikte aýa raıy jyly, jaýyn-shashynsyz.
