Qazaqstanda aýa raıy 2 gradýsqa deıin sýytady dep kútilýde - eskertý
ASTANA. 11 qyrkúıek. QazAqparat - Qazaqstanda aýa raıy 2 gradýsqa deıin sýytady dep kútilýde. Bul týraly Qazgıdrometke silteme jasaı otyryp, QR TJM-niń baspasóz qyzmeti habarlady.
12-14 qyrkúıekte Aqmola, Soltústik Qazaqstan oblystarynda, 13 qyrkúıekte Pavlodar oblysynda aýa temperatýrasy 2-7 gradýs jylylyqqa deıin tómendeıdi, kúndiz 10-15, keı jerlerde 20 gradýs jylylyqty kórsetedi. Keı jerlerde 15-20 m/s jyldamdyqpen soltústik-batystan jel soǵady.
Erteń Astana qalasynda aýanyń temperatýrasy 16-18 gradýsqa deıin tómendeıdi dep kútilýde, 15-20 m/s jyldamdyqpen batystan jel soǵady.
12 qyrkúıekte Qostanaı oblysynda, 12-14 qyrkúıekte Aqmola, 13-14 qyrkúıekte Qaraǵandy oblysynda, 14 qyrkúıekte Shyǵys Qazaqstan oblysynda jekelegen jerlerde kún raıy 0-2 gradýsqa deıin sýytady dep kútilýde.
