Qazaqstannyń úsh óńirinde kún kúrt sýytady
ASTANA. KAZINFORM — «Qagıdromet» RMQ sınoptıkteri Qazaqstanǵa sýyq antıtsıklon jaqyndap kele jatqanyn málimdedi.
Mamandardyń boljamynsha, qysqa merzimdi jylymyqtan keıin Qazaqstan aýmaǵyna kezekti sýyq antıtsıklon yǵysa bastaıdy. Jyldam qozǵalatyn ári sýyq aýa massalarymen tolyǵatyn bul antıtsıklon aldymen elimizdiń soltústik óńirlerine, keıin shyǵys aımaqtaryna aıtarlyqtaı salqyn aýa raıyn alyp keledi.
— 22 mamyrda respýblıkanyń soltústik oblystarynda, al 23 mamyrda shyǵys jáne ortalyq óńirlerinde túngi ýaqytta aýa temperatýrasy 0-5 gradýs jylyǵa deıin tómendeıdi, keıbir aýdandarda tipti 3 gradýsqa deıin úsik júrýi múmkin. Kúndiz aýa temperatýrasy nebári 10-15 gradýs jyly shamasynda bolady, — bolady dep boljap otyr.
Buǵan deıin 20–21 mamyr kúnderi soltústik tsıklonnyń áserinen eldiń soltústigi men shyǵysynda jańbyr jaýyp, naızaǵaı kútiletini boljandy. Osy kúnderi qatty jańbyr, burshaq jáne daýyldy jel boljanady.
21 mamyrda kúndiz Qostanaı, Aqmola jáne Soltústik Qazaqstan oblystarynda aýa temperatýrasy +10…+18 gradýsqa deıin, al eldiń ortalyǵynda +15…+23 gradýsqa deıin tómendeıdi.
