Qazaqstanda aýa raıy kúrt ózgeredi: qar, kóktaıǵaq jáne qatty jel kútiledi
ASTANA. KAZINFORM — Qazaqstannyń birqatar óńirinde 8 qazanǵa eskertý jarııalandy. Sınoptıkter keı aımaqtarda qar, kóktaıǵaq, tuman jáne 30 m/s-qa deıin jetetin qatty jel bolatynyn eskertti. Aldaǵy úsh kúnde kún sýytyp, keı jerlerde úsik júredi.
Jetisý oblysynda túnde jáne tańerteń taýly aımaqtarda tuman túsedi. Oblystyń soltústiginde túnde aýa temperatýrasy 2 gradýsqa deıin tómendep, úsik júredi. Shyǵysta órt qaýpi joǵary deńgeıde saqtalady.
Túrkistan oblysynda kúndiz soltústikte ońtústik-batystan soqqan jeldiń ekpini sekýndyna 15-20 metrge jetedi. Túnde taýly aýdandarda topyraq betinde 1 gradýsqa deıin úsik kútiledi.
Aqmola oblysynda ońtústik-batys jáne batys jeli kúsheıedi. Túnde jáne tańerteń jeldiń ekpini sekýndyna 23-28 metrge deıin jetýi múmkin. Kókshetaýda jeldiń jyldamdyǵy sekýndyna 15-20 metr, kúndiz ek pini 23 metrge deıin bolady.
Abaı oblysynda jeldiń ekpini keı jerlerde sekýndyna 23-28 metrge deıin kúsheıedi. Semeıde de jeldiń jyldamdyǵy 15-20 metrge jetip, kúndiz ekpini 23 metrge deıin barady.
Shyǵys Qazaqstan oblysynda túnde shyǵysta jańbyr jaýyp, qarǵa ulasady. Kóktaıǵaq bolýy múmkin. Kúndiz shyǵys pen taýly aýdandarda jaýyn-shashyn kútiledi. Keı jerlerde jeldiń ekpini sekýndyna 30 metrden de asýy yqtımal.
Qaraǵandy oblysynda túnde jáne tańerteń batys, soltústik jáne shyǵys aýdandarda tuman túsedi. Jeldiń ekpini sekýndyna 15-20 metrge , kúndiz keı ýaqyttarda 23-28 metrge deıin jetedi. Qaraǵandyda kúndiz jeldiń ekpini sekýndyna 15-20 metr bolady.
Ulytaý oblysynda túnde jáne tańerteń tuman túsedi. Jeldiń ekpini sekýndyna 15-20 metr, kúndiz keı ýaqytta 23-28 metrge deıin kúsheıedi. Oblystyń birqatar aýmaǵynda tótenshe órt qaýpi saqtalady.
Soltústik Qazaqstan oblysynda jańbyr jaýyp, keı jerlerde naızaǵaı bolady. Batys jeliniń ekpini sekýndyna 23-28 metrge deıin jetedi. Petropavlda da jańbyr men naızaǵaı kútiledi.
Astana qalasynda ońtústik-batys jeli soǵady. Onyń ekpini sekýndyna 15-20 metrge, túnde jáne tańerteń keı ýaqytta 23 metrge deıin jetedi.
Sonymen qatar Pavlodar, Aqtóbe, Qyzylorda, Atyraý, Batys Qazaqstan, Mańǵystaý, Jambyl jáne Almaty oblystarynda da qolaısyz aýa raı yna baılanysty eskertý jarııalandy.
Sınoptıkterdiń 8-10 qazanǵa arnalǵan boljamyna sáıkes, aldaǵy úsh kúnde Qazaqstannyń keı óńirlerinde jańbyr aralas qar, kóktaıǵaq jáne úsik kútiledi. Sonymen qatar jekelegen aımaqtarda aýa temperatýrasy +27°S-qa deıin kóterilýi múmkin.
