Qazaqstanda atpen serýendeý qyzmetiniń quny qansha

Elimiz boıynsha Aqtaý jáne Qyzylorda qalalarynda atqa minip, serýendeý qyzmetiniń quny – 3 000 teńge. Aqtóbe qalasynda da bir saǵattyq qyzmettiń baǵasy birdeı. Tek atqa minip shapsa 20 mınýtqa 5 000 teńge tóleıdi. Eger atqa minýdi úırengisi kelse 4 jattyǵýy 20 myń teńge bolady.

Túrkistan qalasyndaǵy týrıstik oryndarda baǵa marshrýt pen ýaqytyna qaraı ózgerip otyrady. Saǵatyna 4 000 teńgeden (Tólebı aýdanyndaǵy demalys orny) bastalady. Aqsý-Jabaǵyly memlekettik tabıǵı qoryǵynda (Túlkibas aýdany) 6-7 saǵattyq serýen baǵasy – 10 000 teńge. Oǵan tabıǵı qoryq aýmaǵyna kirý aqysy, ekskýrsovod qyzmeti men atty jalǵa alý quny kiredi. Keıbir týrıstik oryndarda 20 mınýttyq serýen baǵasy – 3 000 teńge.

Taıaýda qala ishindegi jańa ıppodromda atpen serýendeý qyzmeti qosylady. Basshylarynyń aıtýynsha, qazirgi kezde qujattyrdy rásimdeý jumysy aıaqtalyp qaldy. Qoja Ahmet ıAsaýı kesenesiniń mańynda týrıster atqa minip, serýendep júr. Bir aınalymy, ıaǵnı 5 mınýttyq serýen qyzmetiniń baǵasy myń teńge. Dál osylaı túıege de minýge bolady.

Elimizdegi kóp óńirde baǵa 5 000 teńgeden bastalady. Máselen Taraz qalasynda birden eki saǵatty tańdasańyz ár saǵatyn 4 500 teńgege eseptep beredi. Kelýshilerdi foto jáne vıdeoǵa túsiredi. Sonymen birge qalada psıhonevrologııalyq dertke shaldyqqan balalardy emteıtin ıppoterapııa ortalyǵy bar. Munda 18 jasqa deıin tegin qyzmet kórsetedi. Ár bala kem degende 20-25 mınýt serýendeıdi.

Taldyqorǵan qalasynda baǵa osy shamalas: saǵatyna 5 000 teńge. Munda kelýshiler VIP-attar beredi. Júırik atqa miný qyzmeti saǵatyna 7 000 teńge. Sonymen birge eki saǵattyq týr baǵasy – 12 000 teńge. Atqa mingen soń kıiz úı ishinde bir saǵat tegin tynyǵasyz.

Qostanaı qalasynda da orman ishinde bir saǵat atpen serýendep, qyzmetine 5 000 teńge tóleısiz. Balalar atqa nemese ponıge minse eki aınalymǵa 500 teńge alady. Sonymen birge klýbta atpen fotosessııa qyzmeti – 8 000 – 12 000 teńge. Atqa minýdi úırengisi keletin adam 12 saǵattyq jattyǵýǵa 25 000 teńge tóleıdi.

Qaraǵandy qalasynda atqa minip, bir saǵat serýendeý qyzmetiniń quny – 5 000 – 10 000 teńge aralyǵynda. Baǵa qyzmet kórsetýshi klýb pen baǵdarlamaǵa qaraı ózgerip otyrady. Jezqazǵan qalasynda da baǵa shamalas. Qyzmet quny 5 000 – 8 000 teńge aralyǵynda.

Petropavl qalasynda atqa minip, 30 mınýt serýendese 3 000 – 4 000 teńge, al saǵatyna 5 000 – 8 000 teńge. Eger atqa minýdi úırengisi kelse, bir jattyǵýǵa 8 000 teńge tóleýge týraly keledi.

Oral qalasynda atpen serýen qyzmetin usynatyn birneshe keshen bar. Munda baǵa – 5 000 – 10 000 teńge aralyǵynda. Baǵaǵa tańdaý marshrýty áser etedi. Eger fotosessııa jasasa, 5 000 teńgeden bastalady.

Atyraý qalasynda bir saǵattyq serýen quny – 5 000 teńge. Atty jetektep júrse 2 000 teńge tóleıdi. Atqa miný, qaýipsizdik erejelerin úırený jattyǵýy 10 000 teńge bolsa, 10 jattyǵý baǵasy – 90 000 teńge. Abonement bir aıǵa beriledi.

Shymkent qalasynda atpen 45 mınýttyq serýen quny 5 000 teńgeden bastalady. Al atqa minip shapsa 15 000 teńge tóleıdi, jattyqtyrýshy qyzmeti qosylsa 45 mınýty 14 000 teńge bolady. Sonymen birge atpen serýen týry uıymdastyrylady. Baǵasy 12 000 teńgeden bastalady. Oǵan baryp-kelý qyzmeti, 1-2 saǵat boıy atqa miný, nusqaýshy men gıd qyzmeti, foto jáne vıdeo túsirilim, sadaq atý qyzmeti kiredi. VIP-týr baǵasy 15 000 teńge bolady. Oǵan dron, kásibı foto jáne vıdeo túsirilimi tegin qosylady.

Sonymen birge atpen uzaǵyraq (eki saǵattan astam) serýendep, jeke gıd qyzmetin alady. Uıymdastyrýshylar Qyrǵyzly shatqalyna arnaıy týr usynady. Munda úsh saǵat atqa minýge bolady. Al Saıramsý shatqalyndaǵy 5-6 saǵattyq serýen quny – 20 myń teńge. Oǵan aparyp, ákeletin kólik, gıd pen nusqaýshy qyzmeti, at, fotosessııa, jańbyrdan qorǵaıtyn kıim, ulttyq park aýmaǵyna kirý quny kiredi.

Astanada bir saǵatqa 6 000 teńge tóleıdi. Nusqaýshy kómekke kelse 8 000 teńge, jeke jattyǵý 12 000 teńge. Bir saǵattyq fotosessııa men atty jalǵa alý quny da osy shamada. Saǵatyna 15 000 teńge tólep, júırik atty jalǵa alýǵa bolady. Al orman ishindegi serýen quny 10 000 teńge, eki saǵaty 16 000 teńge. Balalar qorshaý ishinde atpen serýendese 30 mınýtqa 4 000 teńge, bir saǵaty 6 000 teńge. Atbegi qyzmeti – 3 000 teńge.

Kókshetaýlyqtar bir saǵatqa 6 000 teńge tóleıdi. Sonymen birge «Býrabaı» ulttyq parkinde de serýen qurýǵa bolady. Munda 30-40 mınýty – 7 000 teńge. Oǵan nusqaýshy jáne tasymaldaý qyzmeti kiredi. ıAǵnı atpen serýendeý ornyna jetkizedi. Nusqaýshy qaýipsizdik erejelerin úıretip, fotoǵa túsetin aımaqtardy kórsetedi. Sadaq atyp, qymyz ishýge de bolady. Al atqa minip, serýen qurý ýaqytyn 50-60 mınýtqa deıin sozsa, baǵasy – 10 000 teńge.

Pavlodarda bir saǵattyq serýen qyzmetiniń quny 7 000 teńgeden bastalady. Keıbir klýbta 45 mınýttyq serýen quny 5 000 teńge. Jeke jattyǵý ótkizý, atqa minýdi úıretý saǵatyna 10 000 teńge, al atpen shabý – 15 000 teńge. Keıbiri uzaq ýaqyt júrýdi qalasa, úsh saǵattyq qyzmetti tańdaıdy. Baǵasy – 15 000 teńge.

Semeı qalasynda 30 mınýttyq serýen quny 3 500 teńge, saǵaty 7 000 teńge. Jarty saǵat shapsa 4 000 teńge, al bir saǵaty 8 000 teńge bolyp tur. Oǵan nusqaýshy keńesi kiredi. Altybaqan tepse de bolady.

Almaty men Qonaev qalalarynda bir saǵattyq serýen quny kóbinde 7 000 teńgeden bastalady. Keıbiri atqa minip shabýǵa ruqsat beredi. Al eger atpen serýen qurǵan ýaqyt 1,5 saǵatqa sozylsa 9 500 teńge, eki saǵatqa 13 000 teńge tóleıdi. Arnaıy týr da bar. Baǵasy – 16 990 teńge. Oǵan atpen serýendeý ornyna aparyp, ákelý qyzmeti kiredi.

Tabıǵat aıasynda 2-2,5 saǵat boıy atqa minip, fotoǵa, vıdeoǵa túsesiz. Nusqaýshy janyńyzdan tabylady, qajet bolsa sadaq atasyz. Dron qyzmeti de usynylady. Baýyrsaq jep, shaı ishesiz. Keremet tabıǵatty tamashalap, taza aýada keń tynystaýdy qalaıtyn adamdar eki saǵattyq serýenge 20 000 teńge tóleıdi. Onda da baýyrsaq pen shaı usynady.

Óskemen qalasynda bir saǵattyq serýen quny 8 000 teńge, jarty saǵaty 6 000 teńge. Al 45 mınýty 7 000 teńge bolyp tur. Ippoterapııa qyzmeti (25 mınýt) – 5 000 teńge. Klýb atpen fotosessııa jasaý qyzmetin usynady. Saǵaty – 12 000 teńge. Al 1,5–2 saǵatqa sozylatyn toptyq ekskýrsııa qyzmetiniń quny ár adam basyna 4 000 teńge (10 adamnan bastalady).

Buǵan deıin Kazinform Qazaqstandaǵy kóship-qoný qyzmetiniń qunyn bildi.