Qazaqstanda ATP 250 týrnıri turaqty ótkizilmek
NUR-SULTAN. QazAqparat – Qazaqstan tennıs federatsııasy Kásipqoı tennıs qaýymdastyǵynan ATP 250 týrnırin turaqty ótkizýge lıtsenzııa aldy, dep habarlaıdy QazAqparat tilshisi.
Federatsııadan túsken málimetke qaraǵanda, buǵan Qazaqstan tennısiniń tabystary nátıjesinde qol jetti.
Halyqaralyq tennıs federatsııasynyń (ITF) vıtse-prezıdenti men Qazaqstan tennıs federatsııasynyń prezıdenti Bolat Ótemuratovtyń tikeleı aralasýymen elimizde osyndaı joǵary deńgeıdegi jarys endi únemi ótetin boldy.
«Bizde Qazaqstanda iri týrnır ótkizýde jaqsy tájirıbe bar. Buryn mundaı dodaǵa ruqsat suraǵan kezde osyǵan daıyn ekenimizdi dáleldeý qıynǵa túsetin. Endi eshkimniń kúdigin týdyrmaıtyn boldy. Buǵan – osyǵan deıin uıymdastyrylǵan Astana Open 2020 jáne 2021 jarystary dálel. Bul balalar tennısinen kásipqoı deńgeıdegi týrnırge deıingi qajyrly jumystarymyzdyń jemisi deýge bolady. Biz qazaqstandyq oıynshylardyń álemdik elıtaǵa enýi úshin qoldan kelgenniń bárin jasaımyz», dedi Qazaqstan tennıs federatsııasynyń vıtse-prezıdenti ıÝrıı Polskıı.
Bıylǵy Astana Open ATP 250 týrnıri kúzde ótedi.
Eske sala keteıik, budan buryn elorda týrnırinde Jibek Qulambaevanyń jartylaı fınalǵa shyǵa almaǵanyn jazǵan bolatynbyz.
