Qazaqstanda atomdyq energetıkany damytýdy qoldaımyn - ǵalym Q.Baıǵarın
ASTANA. 16 naýryz. QazAqparat - Qazaqstanda ıadrolyq energetıkany damytý asa qajet.
QR Úkimeti daıyndap jatqan Qazaqstannyń energetıkasyn damytý baǵdarlamasyna qatysty óz pikirin bildirgen «Nazarbaev ýnıversıteti» Energetıkalyq zertteýler ortalyǵynyń dırektory Qanat Baıǵarın osylaı aıtty.
«Qazaqstan - ıadrolyq tarıhy bar memleket. Árıne, ol tarıhtyń ekologııalyq zardaby qatty boldy. Biraq bul tájirıbeniń oń jaǵy da bar ǵoı. Aqtaýda jumys istegen atomdyq reaktor sonyń aıqyn dáleli bola alady. Ol jerde birde-birde tótenshe jaǵdaı bolǵan joq. Sondyqtan Qazaqstanda atomdyq energetıkany damytýǵa bolady. Ol, bir jaǵynan, el ekonomıkasyn ártaraptandyrýǵa kómektesse, ekinshi jaǵynan, ıadrolyq ǵylymdy damytýǵa múmkindik beredi. Men atomdyq energetıkany damytý asa qajet dep oılaımyn», - deıdi ol.
