Qazaqstanda atom elektr stansasyn calý ıdeıasynan bas tartýdyń qajeti joq - D. Turǵanov
ANA. 16 naýryz. QazAqparat /Rýslan Ǵabbasov/ - Qazaqstanda atom elektr stansasynyń qurylysyn salý ıdeıasynan bas tartýdyń qajeti joq.
Bul týraly búgin Astanadaǵy elektr energetıkasyn damytý máselesine arnalǵan VІI respýblıkalyq keńeste Indýstrııa jáne jańa tehnologııalar vıtse-mınıstri Dúısenbaı Turǵanov málim etti.
«Bizdiń pikirimizshe, Qazaqstanda atom elektr stansasynyń qurylysyn salý ıdeıasynan bas tartýdyń reti joq. Atap aıtqanda, bul turǵyda qaralatyn jobalar tyńǵylyqty zerdelenip, sapalysy ǵana iriktelinýi tıis. ıAǵnı, qaýipsizdik máselesi aıyryqsha nazarda bolýy tıis»,-dedi vıtse-mınıstr.
Onyń sózine qaraǵanda, búginde Úkimet tarapynan maquldanǵan atom energetıkasyn damytý baǵdarlamasy qazirgi kezde Prezıdent apparatynyń qaraýynda jatyr. Bul baǵdarlamada qaýipsizdik máseleleri barynsha eskerilgen. Degenmen de, oǵan keıbir túzetýler engizilýi múmkin.
«Osy máselelerdi eskere otyryp atom elektro stansasy Qazaqstanda bolýy tıis. Elimizde bul turǵyda barlyq jaǵdaılar bar. Ýrannyń qory boıynsha elimiz álemde ekinshi orynda. Al ony óndirý boıynsha aldyńǵy oryndamyz. Sondyqtan bizge bul salamen aınalysýǵa barlyq alǵysharttar bar»,-dep atap ótti D. Turǵanov.
Osy oraıda vıtse-mınıstr atalǵan baǵdarlamada ıadrolyq otyn tsıkliniń barlyq kezeńderine qatysý sharalary qamtylǵanyn aıtyp ótti. ıAǵnı, onda ýrandy óndirýden bastap, ony óńdeý, baıytý, sondaı-aq elektr stansalary úshin otyn shyǵarýǵa deıingi barlyq jumystar qarastyrylǵan.
