Qazaqstanda asyl tuqymdy maldy sýbsıdııalaý 2020 jylǵa qaraı 40 mıllıard teńgege jetedi - B. Saǵyntaev
Búgin Parlamentte «Qazaqstan Respýblıkasynda mal sharýashylyǵyn damytýdyń ózekti máseleleri men perspektıvalary» atty taqyrypta ótken Parlamenttik tyńdaýda sóz sóılegen QR Premer-Mınıstriniń birinshi orynbasary-Óńirlik damý mınıstri Baqytjan Saǵyntaev osylaı málim etti.
Úkimet basshysy orynbasarynyń aıtýynsha, elimizde 2012 jylǵy esep boıynsha múıizdi iri qara maldyń jalpy sanynyń 70 paıyzy jeke jáne qosalqy sharýashylyqtardyń úlesine tıedi. Degenmen, B. Saǵyntaevtyń aıtýyna qaraǵanda, olardyń ónimdiligi tym tómen bolyp otyr.
«Máselen, Qazaqstanda bir saýyn sıyrdan ortasha saýylatyn sút 2 336 kelini quraıdy. Bul Kedendik odaq memleketteriniń ortasha kórsetkishinen 2 esege tómen. Soıysqa ótkizilgen maldyń beretin ortasha salmaǵy shamamen 300 kelini quraıdy. Bul kórsetkish te kóńil kónshitpeıdi, óıtkeni Avstralııa men AQSh-ta ortasha salmaq 500 kelige jetedi. Osy máseleni sheshý úshin negizgi ekpin maldyń genetıkalyq áleýetine túsetin bolady», -deıdi B.Saǵyntaev.
Bul rette mınıstr aǵymdaǵy jyly asyl tuqymdy mal basyn sýbsıdııalaý 2008 jylmen salystyrǵanda 6,5 esege artyp, 14 mıllıard teńgeni quraǵanyn jetkizdi.
«Al «Agrobıznes-2020» baǵdarlamasynda osy baǵyttaǵy sýbsıdııa mólsherin 2020 jyly 40 mıllıard teńgege jetkizý qarastyrylady», - deıdi B. Saǵyntaev.
