Qazaqstanda astyqtyń jalpy kólemi 22 mln. tonnany quraıdy - boljam
«Aldyn ala málimetter boıynsha, astyqtyń jalpy kólemi 22 mln. tonnadan asady dep boljanyp otyr», - dedi ol QR AShM ótken brıfıngte.
Degenmen onyń atap ótýinshe, bıyl astyqtyń sapasy tómen. Sebebi maýsym men shilde aılarynda jaýǵan jańbyrdyń kesirinen astyqtyń pisýine kedergi keltirdi, bıdaı dánderi búlindi, sondaı-aq egindi dalada aramshópterdiń kóptep shyǵýyna áser etti.
Alaıda úshinshi suryp bıdaıdyń sapasy byltyrǵy jylmen salystyrǵanda tómen bolǵanymen, tórtinshi suryptyń sapasy áldeqaıda kóterilgen, deıdi Qaırat Aıtýǵanov.
Vıtse-mınıstrdiń sózi boıynsha, Aqmola olysynda atalmysh jaǵdaıǵa der kezinde kóńil bólinip, oń tájirıbe qalyptasty. Gektar boıynsha sýbsıdııalaýǵa kózdelgen 4 mlrd. 100 mln teńge gerbıtsıdterge baǵyttalǵan.
8 qyrkúıektegi jaǵdaı boıynsha, astyqtyń 54 paıyzy jınaldy. Eger aýa-raıy qalypty bolsa, soltústik aımaqtarda astyqty bastyrý naýqany qyrkúıektiń úshinshi onkúndiginde aıaqtaý kózdelýde.
Qazaqstanda 13,6 mln. tonna bıdaıdy saqtaýǵa arnalǵan 204 lıtsenzııalyq astyq qabyldaý kásiporny bar. Bul kólem astyqty tolyqtaı qabyldaýǵa jetkilikti.