Qazaqstanda astyqty polıetılen «jeńqaptarda» saqtaýdy alystan baqylaıtyn júıe ázirlendi
ASTANA. 23 shilde. QazAqparat - Zertteýler kórsetip otyrǵandaı, usaq taýar óndirýshilerge elevator salý tıimsiz. Olar úshin astyq saqtaýdyń balama túri - astyqty qoımalarda polıetılen «jeńqaptarda» jabý jaýyp saqtaý»,
dep habarlady Qazaq aýyl sharýashylyǵy ónimderin qaıta óńdeý ǵylymı-zertteý ınstıtýtynyń bas dırektory Darıǵash Shaımerdenova Pm.kz bergen suhbatynda.
Onyń aıtýynsha, astyqty jeńqaptarda saqtaý úshin astyqty tıeıtin jáne býmalaıtyn keshendik qurylǵylar qajet. Mundaı «jeńqaptarda» astyq bir jylǵa deıin saqtalady. Saqtaý barysynda astyqtyń jaǵdaıyn únemi qadaǵalap otyrý kerek, buryn ol polıetılendi kesý arqyly jasalatyn, al bul az mashaqat emes.
«Osy keleńsizdikti joıý úshin bizdiń ınstıtýt termotross ornatý arqyly temperatýrany alystan baqylaıtyn júıe oılap tapty, endi barlyq málimetter kompıýterden kórinetindikten, astyqtyń temperatýrasyn alystyn baqylaý múmkin bolady», - dep atap ótti D.Shaımerdenova.
Búgingi kúni astyq qoımalaryna suranys 86% qana qanaǵattandyrylýda. Astyq mol jınalǵan 2009 jáne 2011 jyldar sııaqty kezeńde qosymsha qýat qajettiligi týyndaıdy, dep qorytyndylady sózin D.Shaımendenova.
