Qazaqstanda astyq qory jetkilikti me
«Egin jınaý qorytyndylary boıynsha 17,4 mln tonna astyq bastyryldy, bul 2018 jyldyń deńgeıinen 2,9 mln tonnaǵa nemese 14 paıyzǵa az. Búgingi kúni respýblıka boıynsha qolda 10,2 mln tonna astyq, onyń ishinde 7,8 mln tonna bıdaı bar», - dedi mınıstr Parlament Májilisindegi Úkimet saǵatynda.
Onyń sózine qaraǵanda, astyqty ishki tutyný kólemi 1 shildege deıin (jańa marketıng jylynyń basy) shamamen 5,8 mln tonnany, bıdaı 3,8 mln tonnany quraıdy.
«Eksporttyq áleýet 3,1 mln tonna astyqty, onyń ishinde bıdaı 2,7 mln tonnany quraıdy. Ótpeli qaldyq shamamen 1,3 mln tonnany qamtıdy. Osylaısha, elde bar astyq kólemi halyqty qamtamasyz etý, tuqym men jemshóp qoryn qalyptastyrý úshin jetkilikti. Bul rette, Azyq-túlik kelisimshart korporatsııasy 604 myń tonna astyq kóleminde azaımaıtyn qor qalyptastyrdy», - dedi Saparhan Omarov.