Qazaqstanda «Astana» brendimen avtobýstar shyǵarylady
ASTANA. KAZINFORM — Qazaqstanda avtokólikterdiń jańa túrleri óndiriledi. Bul jóninde Úkimet otyrysynda «Astana Motors» kompanııalar tobynyń tóraǵasy Nurlan Smaǵulov málimdedi.
— Kásiporynnyń negizgi jobalarynyń biri — «Astana» atty óz brendimen avtobýstar shyǵarý. Bul avtobýstardy óndirýde Qytaıdyń tehnologııalyq seriktesterimen birlesip ázirlengen, álemdik jetekshi óndirýshilerdiń komponentteri paıdalanylady. Sonymen qatar, avtobýstardyń dızaınyn jasaýǵa qazaqstandyq ınjenerler tikeleı qatysty. Avtobýstar Qazaqstan aýmaǵynda óndiriledi, — dedi Nurlan Smaǵulov.
Onyń aıtýynsha, dızel jáne gazben júretin avtobýstardyń serııalyq óndirisi bıyl qarasha aıynda bastalady.
Sonymen birge BYD kompanııasymen birlesip jańa akkýmýlıatorlyq batareıalardy qoldanatyn elektr kólikteriniń jelisi ázirlenip jatyr. Al «Astana» markaly elektr avtobýstarynyń óndirisin 2027 jyldyń naýryz aıynda bastaý josparlanyp otyr.
Aıta keteıik, buǵan deıin bıyl elimizde 190 myń avtokólik shyǵarylatynyn jazǵanbyz.
