Qazaqstanda áskerı jarǵy bilgirleri ózara baq synaıdy

NUR-SULTAN. QazAqparat - Qorǵanys mınıstriniń tapsyrmasyna sáıkes Áskerı polıtsııa Bas basqarmasy áskerı qyzmetkerlerdiń jalpy áskerı tártip erejeleriniń barlyq sanattaryn úzdik biletinder arasynda konkýrs ótkizedi, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Konkýrs áskerı qyzmettiń ımıdjin kóterý, áskerı qyzmetshilerdiń moraldyq-etıkalyq sıpatyn jaqsartý, sondaı-aq olardyń óz mindetterin úlgili oryndaýy úshin ótkiziledi.

Baıqaý úsh nomınatsııa boıynsha ótkiziledi: «joǵarǵy, aǵa ofıtserler men aǵa serjanttar arasyndaǵy úzdik sarapshy», «kishi ofıtserler men kishi serjanttar arasyndaǵy úzdik sarapshy», «qatardaǵy jaýyngerler, kadetter, kýrsanttar arasyndaǵy úzdik sarapshy». Bes kezeńnen turady. Jeńimpazdar men júldegerler arnaıy dıplomdar men estelik syılyqtarǵa ıe bolady.

Qazaqstan Respýblıkasy Qarýly Kúshteriniń áskerı qyzmetshileriniń ómiri men kúndelikti qyzmeti áskerı sharttarǵa sáıkes zańdyq qujattarmen qatań tártipte retteletinin atap ótken jón.