Qazaqstanda áskerı sottarǵa azamattyq isterdiń túsýi 10 paıyzǵa kemidi

ASTANA. QazAqparat - Qazaqstanda áskerı sottarǵa azamattyq isterdiń túsýi 10 paıyzǵa kemidi. Bul týraly búgin QR Áskerı sot Azamattyq jáne ákimshilik ister jónindegi apellıatsııalyq sot alqasynyń tóraǵasy Áýeznur Qajenov málim etti.

«Garnızondyq isker sottarǵa aǵymdaǵy jyldyń 1 toqsanynda 489 azamattyq ister men aryzdar tústi. Bul ótken jyldyń sáıkes kezeńimen salystyrǵanda 10,1 paıyzǵa kem. 412 azamattyq is qozǵalyp, sheshim shyǵarýymen 184 is qaraldy. 6 azamattyq is sottylyǵy boıyn joldandy», - dedi ol.

Onyń alǵa tartqan derekterine sáıkes, birinshi satydaǵy sottyń óndirisinde 434 istiń ishinen barlyǵy 348 azamattyq is aıaqtalǵan. Bul ótken jyldyń sáıkes kezeńimen salystyrǵanda 20,7 paıyzǵa nemese 91 azamattyq iske az. Osy arayqta qaralǵan barlyq isterdiń basym bóligin turǵyn úı máseleleri, eńbek daýlary quraıdy.