Qazaqstanda áskerı-patrıottyq tárbıe berý aıasynda kadet synyptary ashylýda

ASTANA. QazAqparat - QR Qorǵanys mınıstrliginiń, memlekettik organdarmen jáne jalpy bilim berý mektepterimen birlesip, kadet synyptaryn ashý jónindegi jumystardy jalǵastyrýda. Atalmysh sharalar Qazaqstan Respýblıkasynda áskerı-patrıottyq jumystardy ári qaraı jetildirý máselesi jóninde qol qoıylǵan Yntymaqtastyq pen ózara is-qımyl jóninde memorandýmǵa sáıkes júzege asyrylýda, dep habarlaıdy QR Qorǵanys mınıstrliginiń baspasóz qyzmeti.

Kadet synyptaryn ashý jastardy áskerı-patrıottyq turǵyda tárbıeleýge jáne áskerı qyzmettiń bedelin arttyrýǵa baǵyttalǵan. Ár kadet synybynda jalpy orta bilim berý mektepteriniń baǵdarlamasy boıynsha bilim alatyn 30 bala oqıdy. Osyndaı synyptarda patrıottyq tárbıege, dene shynyqtyrý men bastapqy áskerı daıyndyq máselesine erekshe nazar aýdarady.

Búgingi kúni respýblıkamyzdyń barlyq óńirinde 101 kadet synyby jumys jasaıdy, onda 2800-den asa bala bilim alady. Kadet synyptarynyń tárbıelenýshileri áskerı mamandyqtyń qyr-syry, sanaly arıfmetıka, bal bıleri, atqa shabý, qoıan-qoltyq kúrestiń ádis-tásilderi, shet tilderi, ádep jáne t.b. zerdeleıdi.

Qazirgi ýaqytta Atyraý, Aqmola, Qaraǵandy, Ońtústik-Qazaqstan oblystarynyń jalpy bilim berý mektepterinde kadet synyptary belsendi jumys jasaýda. Jýyrda Shyǵys Qazaqstan oblysynyń Óskemen qalasynda № 4 orta mektebinde kadet synybynyń ashylý saltanaty ótti. Aldaǵy ýaqytta Batys Qazaqstan men Jambyl oblystarynyń mektepterinde osyndaı synyptardy ashý josparlanýda.