Qazaqstanda áskerı oqý oryndaryna túsýdi qalaıtyn jastar sany artyp keledi - mınıstrlik
ASTANA. KAZINFORM – Qazaqstanda áskerı oqý oryndaryna túsýdi qalaıtyn jastar sany artyp keledi. Bul týraly OKQ-de ótken baspasóz máslıhatynda QR Qorǵanys mınıstrligi Áskerı bilim jáne ǵylym departamentiniń bastyǵy, polkovnık Murat Oljabaev málim etti.
– 2025 jylǵy qabyldaý naýqanynyń qorytyndysy boıynsha, áskerı kolledjderdegi 760 orynǵa 2311 ótinish qabyldanyp, bir orynǵa orta eseppen úsh talapkerden keldi. Al áskerı ınstıtýttardaǵy 723 orynǵa 1526 adam qujat tapsyryp, bir orynǵa shamamen eki talapkerden tirkeldi. Bul áskerı oqý oryndaryna tapsyratyn jastar sany artqanyn kórsetip otyr, - dedi departament basshysy.
Onyń sózinshe, eń kóp suranysqa ıe mamandyqtardyń qatarynda memlekettik avıatsııa, áskerı medıtsına, tsıfrlyq tehnologııalar men avtomattandyrý, sondaı-aq dene daıarlyǵy baǵyttary bar.
– Bul júıe tegin bilim alýǵa, memleket esebinen áleýmettik qamtamasyz etilýge jáne oqý aıaqtalǵannan keıin qyzmetke ornalasýǵa múmkindik beredi. Sondyqtan áskerı mamandyqqa qyzyǵýshylyq jyl saıyn artyp keledi, – dedi ol.
Aıta keteıik, áskerı joǵary oqý oryndary men kolledjderge qujat qabyldaý 31 shildege deıin jalǵasady. Sondaı-aq áskerı oqý oryndaryna qujat tapsyrý jeńildedi, qujatty endi onlaın tapsyrýǵa bolady.
