Qazaqstanda áskerı qyzmetshilerdi baspanamen qamtýdyń júıesi ózgeredi
Áskerı qyzmetshilerdi turǵyn úımen qamtamasyz etýdiń júıesin jetildirý maqsatynda Elbasy - QR Qarýly Kúshteriniń Joǵarǵy Bas qolbasshysy N. Nazarbaev áskerı qyzmettiń bedelin, áskerı qyzmetshiler men olardyń otbasy músheleriniń áleýmettik-quqyqtyq mártebesin arttyrýǵa «Turǵyn úı qatynastary máseleleri boıynsha Qazaqstan Respýblıkasynyń keıbir zańnamalyq aktilerine ózgerister engizý týraly» Qazaqstan Respýblıkasynyń Zańyna qol qoıdy.
Qabyldanǵan Zańda áskerı qyzmetshiler men olardyń otbasy múshelerin baspanamen qamtamasyz etýdiń jańa tetigi qarastyrylǵan.
2018 jyldan bastap eńbek ótiline qaramastan (merzimdi qyzmettegi áskerı qyzmetshilerdi, kadetter men kýrsanttardy) ekinshi deńgeıdegi bankterde shottarǵa turǵyn úı tólemderin aýdarý arqyly qoldanystaǵy zańnamada qarastyrylǵan ústemaqyny almastyrady. Bul rette jekeshelendirýge jatpaıtyn qyzmettik baspanamen, onyń ishinde, onyń jabyq jáne oqshaýlanǵan áskerı qalashyqtarda, shekara zastavalary men komendatýralarda qamtamasyz etilgen áskerı qyzmetshilerge tıesili tólemnen 50% kóleminde ekinshi deńgeıli bankterge aqshalaı qarajat aýdarý josparlanýda.
Sondaı-aq, Zańda 2013 jylǵy 1 qańtarda eńbek ótilderi 10 men 15 jyldy quraǵan áskerı qyzmetshilerge 20 jyldyq eńbek ótilinen keıin aqysyz jekeshelendirý quqyǵyn qaıtar múmkindigi qarastyrylǵan.
Atalmysh norma 10 men 15 jáne 15-ten jáne odan da kóp eńbek ótilderi bar áskerı qyzmetshilerdiń sanattary arasyndaǵy shekarany joıýǵa múmkindik beredi.
