Qazaqstanda áskerı drondar týrnıri ótti: úsh úzdik komanda anyqtaldy

ASTANA. KAZINFORM — Qazaqstanda kúshtik qurylymdar arasynda «MILITARY DRONE CHALLENGE» týrnıri ótti. Saıysqa 15 komanda qatysyp, pılotsyz ushý apparattaryn basqarý boıynsha baq synady. Jarys qorytyndysynda QR Memlekettik kúzet qyzmetiniń komandasy birinshi oryn aldy.

Qazaqstanda áskerı drondar týrnıri ótti: úsh úzdik komanda anyqtaldy
Foto: Memlekettik kúzet qyzmeti

Jarysqa memlekettik organdardan 15 komanda qatysyp, árqaısysynda bes adamnan boldy. Qatysýshylar pılotsyz avıatsııalyq júıeler men olarǵa qarsy is-qımyl quraldaryn paıdalana otyryp, arnaıy tapsyrmalardy oryndady.

Qazaqstanda áskerı drondar týrnıri ótti: úsh úzdik komanda anyqtaldy
Foto: Memlekettik kúzet qyzmeti

Týrnırdi QR Memlekettik kúzet qyzmeti «Ashyq Aspan Foundation» qoǵamdyq qorynyń tehnıkalyq qoldaýymen uıymdastyrdy.

Saıys tórt kezeńnen turdy. Qatysýshylar áýeden barlaý júrgizý, drondy basqarý, oqý tapsyrmalaryn oryndaý jáne komandalyq úılesimdilik boıynsha synǵa tústi.

Qazaqstanda áskerı drondar týrnıri ótti: úsh úzdik komanda anyqtaldy
Foto: Memlekettik kúzet qyzmeti

Týrnır qorytyndysy boıynsha júldeli oryndar tómendegideı bólindi:

  • 1-oryn – QR Memlekettik kúzet qyzmetiniń komandasy;

  • 2-oryn – QR Qorǵanys mınıstrliginiń Radıoelektronıka jáne baılanys áskerı-ınjenerlik ınstıtýtynyń komandasy;

  • 3-oryn – QR ІІM Ulttyq ulanynyń komandasy.

Qazaqstanda áskerı drondar týrnıri ótti: úsh úzdik komanda anyqtaldy
Foto: Memlekettik kúzet qyzmeti

Uıymdastyrýshylardyń aıtýynsha, týrnırdiń maqsaty – pılotsyz avıatsııalyq júıelerdi qoldaný salasyndaǵy kásibı daıarlyqty jetildirý, memlekettik organdardyń tehnıkalyq áleýetin arttyrý jáne tájirıbe almasýǵa múmkindik jasaý.

Aıta ketıeik, bıyl Memlekettik kúzet qyzmetin jetildirýge baǵyttalǵan túzetýler maquldandy.