Qazaqstanda ashylǵan Avstrııanyń saýda ókildigi eki el arasyndaǵy baılanystardy kúsheıtpek
ASTANA. 4 qarasha. QazAqparat /Arman Asqarov/ - Kúni keshe ǵana Almaty qalasynda ashylǵan Avstrııanyń saýda ókildigi eki el arasyndaǵy baılanystardy kúsheıte tústetindigine senimdimiz. Búgin Astanada bastalǵan Saýda-ekonomıkalyq yntymaqtastyq jónindegi Qazaqstan-Avstrııa úkimetaralyq komıssııanyń II otyrysynda Avstrııanyń Ekonomıka, otbasy jáne jastar jónindegi mınıstrdiń orynbasary Iozef Maıer osylaı aıtty.
«Shyny kerek, Almaty qalasynda ashylǵan Avstrııanyń saýda ókildigi eki memleket arasyndaǵy saýda-ekonomıkalyq baılanystardyń ońtaıly júrip jatqandyǵyn kórsetse kerek. Bul bizdiń búgingi áriptestik qarym-qatynasymyzdyń aıqyn kórinisi ǵana emes, bul bizdiń bolashaqtaǵy sátti baılanystarymyzdyń zańdy jalǵasy bolsa kerek», - deıdi I.Maıer.
Avstrııanyń statıstıkalyq málimetterine sáıkes, 2009 jyly eki eldiń saýda aınalymy 1,137 mlrd. eýroǵa teń boldy. Al 2010 jyldyń sońǵy jeti aıy ishinde bul kórsetkish 555,9 mln. eýrony qurady. Onyń 441 mln.-i Qazaqstannyń ımportyna tıesili bolsa, 114,8 mln. eýro Avstrııadan keletin eksporttyń úlesinde.
