Qazaqstanda ashyq bazarlardyń ornyna elektrondy bazarlar ashylýy múmkin
ASTANA. QazAqparat - QR Qarjy mınıstrligi Memlekettik kirister komıtetiniń tóraǵasy Dáýlet Erǵojın Qazaqstanda elektrondy bazarlardy qurýdy usyndy. Bul týraly ol búgin Astana qalasy boıynsha Memlekettik kirisiter departamentiniń keńeıtilgen otyrysynda málim etti.
«Jalpyǵa birdeı kiristerdi deklaratsııalaý júıesin engizý mindeti qoıylǵandyqtan, bazarlar bizde «kóleńkeli» kiristerdiń barlyǵy baǵyttalatyn oshaqqa aınalady. Bizde kóleńkeli ekonomıkany qysqartý boıynsha úkimettik baǵdarlamada kórsetilgen, 2018-2019 jyldary ashyq bazarlardy jabý jóninde sheshim shyǵarylýy kerek. Bizde oılastyrylyp otyrǵan birqatar sheshimder bar», - dedi ol.
Onyń oıynsha, ashyq tıpti bazarlardyń ornyn toltyrý úshin ınnovatsııalyq sheshimder de qoldanylýy yqtımal.
«Biz elektrondy bazarlar qurý jóninde usynysty engizýge daıynbyz. ıAǵnı ony qytaılyq Alibaba negizinde jasaýǵa da bolady. Vırtýaldy bazarlar qursaq. Bazarlarda satylyp jatqan zattar ınternette de bar. Olardaǵy taýarlar baǵasy da dúkenderden áldeqaıda arzan. Elorda naryǵyndaǵy taýarlar negizinen QHR-dan keletin arzan taýarlar ekeni jasyryn emes. Dál osylaı biryńǵaı saýda ornyn qurýǵa da bolady. Onda satyp alýshylar alaıaqtardan qorǵalatyn bolsa, tipti jaqsy, satýshylar da sýyq jerde turmas edi, qoımalardan taýarlardy alyp otyrsa boldy. Biz taýarlardy jetkizý sııaqty kýrerlik klasterdi de bir kóterip tastar edik», - dep atap ótti ol.
