Qazaqstanda ashanany jalǵa alý quny arzandady
ASTANA. QazAqparat - Qazaqstanda 2018 jyldyń qyrkúıeginde kommertsııalyq jyljymaıtyn múlikti jalǵa alý baǵasy 2017 jyldyń jeltoqsan aıymen salystyrǵanda 0,2 paıyz ósken, dep habarlaıdy QazAqparat Statıstıka komıtetine silteme jasap.
Bıylǵy jyldyń basynan beri óndiristik bólmelerdi jalǵa alý baǵalary 1,8 paıyz, turmystyq qyzmet kórsetý, qyzmet bólmeleri - 0,7 paıyz ósse, parkıngterdi jalǵa alý baǵalary 1 paıyz tómendegen.
Bıylǵy jyldyń qyrkúıeginde ótken jyldyń jeltoqsan aıymen salystyrǵanda kólik jýý oryndaryn jalǵa alý baǵalary 1,8 paıyz, kólikterge tehnıkalyq qyzmet kórsetý jáne jóndeý stansalaryn jalǵa alý - 4,5 paıyz, óndiristik bazalardy jalǵa alý baǵalary - 2,3 paıyz, shashtaraz, sán salondaryn jalǵa alý - 2,2 paıyz qymbattaǵan.
Jer ústi ashyq jáne jabyq parkıngterdi jalǵa alý - 1 paıyz, ashanalardy jalǵa alý - 0,8 paıyz arzandaǵan.
