Qazaqstanda asfaltbeton óndirisi tsıfrlyq baqylaýǵa alynady
ASTANA. KAZINFORM – Qazaqstanda 2026–2029 jyldary asfaltbeton óndirisin baqylaý men jol qurylysy barysyndaǵy tehnıkalyq qadaǵalaýdy tsıfrlandyrý josparlanyp otyr. Bul týraly «Kaztraffic 2026» halyqaralyq kórmesinde QR Kólik vıtse-mınıstri Maqsat Qalıaqparov málimdedi.
Onyń sózinshe, jol sapasyn jaqsartý, qaýipsizdigin arttyrý jáne qyzmet etý merzimin uzartý úshin qurylys jumystarynyń barlyq kezeńinde talapty kúsheıtý qajet.
– Joldy jobalaýdan bastap salý, kútip ustaýǵa deıin sapaǵa basa mán berý kerek. Ǵylymı negizdelgen sheshimderge, zamanaýı qurylys tehnologııalaryna, klımattyq jaǵdaı men kólik júktemesine saı materıal tańdaýǵa erekshe nazar aýdaryp otyrmyz, – dedi Maqsat Qalıaqparov.
Vıtse-mınıstrdiń aıtýynsha, joldyń jaı-kúıin baǵalaý, jóndeý jumystaryn josparlaý jáne olardyń sapasyn baqylaý naqty derekterge súıenip júrgizilýge tıis. Al jasandy ıntellekt pen zııatkerlik kólik júıeleri jol jelisin tıimdi basqarýǵa múmkindik beredi.
Osy maqsatta aldaǵy jyldary KazRoadLab jáne E-Joldar júıelerin biriktirip, jol salasyndaǵy tsıfrlyq baqylaýdy odan ári damytý kózdelgen.
Maqsat Qalıaqparov jol qozǵalysynyń qaýipsizdigi men jol jabynynyń qansha jylǵa shydaıtyny qurylys materıaldarynyń sapasyna, tehnologııa talaptarynyń saqtalýyna tikeleı baılanysty ekenin atap ótti.
Aıta keteıik, buǵan deıin E-Joldar platformasyna respýblıkalyq mańyzy bar 41 myń shaqyrymnan astam jol týraly derek engizilgenin jazǵan edik.