Qazaqstanda as úı jıhazyna tapsyrys artqan

ASTANA. QazAqparat - 2022 jyldyń qańtar–qyrkúıegi aralyǵynda Qazaqstanda jıhaz óndirisiniń kólemi 46 742 mln teńgeni qurady. Bul týraly Ulttyq statıstıka bıýrosynan málim etti, dep habarlaıdy QazAqparat.

«Óndiristiń eń úlken ósimin otyrýǵa arnalǵan metall qańqaly jıhaz segmenti kórsetti – 9,8%. Toǵyz aıdyń ishinde 869 128 danasy óndirildi.

Sondaı-aq as úı jıhazy boıynsha da ósim baıqaldy – 72 991 dana. Bul ótken jyldyń sáıkes kezeńimen salystyrǵanda 8,8% kóp.

Aǵashtan jasalǵan keńse jıhazynyń óndirisi kerisinshe 10,1% tómendegen, qurastyrylǵan ónim sany – 173 307 dana», - delingen vedomstvo málimetinde.

Foto: investvlg.ru