Qazaqstanda as qorytý júıesiniń syrqattary jaǵynan Almaty qalasy alda kele jatyr
ALMATY. 28 mamyr. QazAqparat - Almatyda 2011 jyly 100 myń turǵynnyń 19 490-ynyń as qorytý júıesi syr bergen. Bul týraly búgin Qazaqstanda tuńǵysh ret uıymdastyrylyp otyrǵan Dúnıejúzilik as qorytý kúni sharasynda aıtyldy.
Ony Dúnıejúzilik gastroenterologtar uıymynyń qoldaýymen Qazaqstannyń ulttyq gastroenterologtar qaýymdastyǵy men Qazaq taǵamtaný akademııasy uıymdastyrdy. Mundaı sharalar álemniń 50-den astam elinde ótkizilýde. Qaýymdastyq prezıdenti Roza Bektaevanyń aıtýynsha, as qorytý júıesi aýrýlary qan aınalymy men tynys alý músheleriniń syrqattarynan keıin úshinshi orynda. Ol balalar men jasósipirimder arasynda tynys aýrlarynan keıingi ekinshi orynda tur. Balalar arasynda 100 myń adamǵa shaqqanda - 15 130, jasóspirimder arasynda 30 770, al eresekter arasynda - 12410-dy quraıdy. Jalpy as qorytý júıesi syrqattarynyń ishinde gastrıt, dýodenıt jáne 12 eli tik ishek jarasy basym. Qazaqstandyqtardyń densaýlyǵy negizinen jelinetin tamaqtyń sıpaty, quramy men deńgeıine baılanysty.
«Statıstıkaǵa súıensek adamdardyń 50 paıyzynyń as qorytý júıesiniń jumysy júıke kúızelisi, az qımyldaý, durys tamaqtanbaý saldarynan buzylady eken. Sonyń saldarynan asqazanda qyjyl paıda bolady, kekiredi, adamnyń ishi kebedi, qatalaıdy, meteorızge dýshar bolady. ıAǵnı adam densaýlyǵyna orny tolmastaı zııan keltiretin negizgi faktor - tamaq quramynyń durys bolmaýy, durys tamaqtanbaý», - deıdi medıtsına ǵylymdarynyń doktory, professor Roza Raqymqyzy.
