Qazaqstanda arnaýly jıynǵa qatysýshylarǵa áskerı shen beriledi
NUR-SULTAN. QazAqparat - Qazaqstanda arnaýly áskerı jıyn qatysýshylaryna áskerı shen beriledi. Bul týraly QR Qarýly Kúshteri Bas shtaby basshysynyń orynbasary Serik Boranbaev aıtyp berdi, dep habarlaıdy QazAqparat tilshisi.
«Arnaýly jıynǵa shaqyryǵan áskerı qyzmetshiler blokbeketterde tapsyrmalardy oryndaıdy. Olar sanıtarlyq-epıdemıologııalyq óńdeý jumystaryna tartylady. Bir bóligi, tıisinshe jedel shtabtar quramynda jumys isteıdi. Bul áskerıler jedel shtabta, blokbeketter men sanıatrlyq óńdeý boıynsha jumys istegen adamdardy almastyra alady», - dep túsindirdi Serik Boranbaev Ortalyq kommýnıkatsııalar qyzmetinde ótken brıfıngte.
Sonymen birge, spıker Tótenshe jaǵdaı kezindegi arnaýly jıyndardyń 3 aıǵa deıin sozylatynyn eske saldy.
«Biraq, bul jaǵdaıda jıyn merzimi ákimdikterdiń sheshimine, olardyń aldynda turǵan mindetterge baılanysty bolady», - dedi S Boranbaev.
Eske sala keteıik, 2 sáýir kúni Memleket basshysy Qasym-Jomart Toqaev áskerı mindettilerdi arnaýly jıynǵa shaqyrý týraly Jarlyq shyǵarǵan edi.
