Qazaqstanda arnaýly áleýmettik mekemelerde 5,1 myń múgedek bala turyp jatyr

NUR-SULTAN. QazAqparat –Qazaqstanda arnaýly áleýmettik qyzmet kórsetetin mekemelerde 37 myńnan astam adam turady. Olardyń 5,1 myńy – múgedek balalar, dep habarlaıdy QazAqparat tilshisi.

Ulttyq statıstıka bıýrosynyń málimetine sáıkes, 2020 jyldyń sońyndaǵy jaǵdaı boıynsha, Qazaqstanda arnaýly áleýmettik qyzmet kórsetetin: statsıonarlyq úlgidegi – 162, jartylaı statsıonarlyq úlgidegi – 64, ýaqytsha bolýǵa arnalǵan – 29 jáne arnaýly kómektiń birneshe túrin kórsetetin 1 mekeme jumys istedi. Olarda 37 359 adam turyp jatty. Onyń 71,8% - 30-39 jas, 10,8% - 40-49 jas, 10,7% 50-58 jas aralyǵyndaǵy azamattar. Taǵy 33,4% 64-ten asqandar.

Arnaýly mekemeden pana tapqandardyń 31,7% jasy boıynsha zeınetke shyqqandar quraıdy. Jalǵyz ilikti týyssyzdar – 15,4%, belgili turaǵy joq adamdar - 5,1%, aqy tólep turatyndar 2,1%, turmystyq zorlyq-zombylyq qurbandary - 0,3%, Ekinshi dúnıejúzilik soǵysqa qatysqandar - 0,1%.

«2020 jyldyń sońynda tirek-qımyl apparaty buzylǵan múgedekterdiń sany 4016 adamdy (17,1%) qurady, minez-qulqyndaǵy psıhıkalyq aýytqýlary bar - 17955 adam (76,3%).

Osy uıymdarda qyzmet kórsetiletin 16 jasqa deıingi múgedek balalar sany 2020 jyldyń sońynda 5184 balany qurady nemese jalpy turǵyndar sanynyń 13,9%. Birinshi toptaǵy múgedekterdiń úlesi osy uıymdarda turatyndardyń jalpy sanynan - 10,2%, ekinshi top - 38,4%, úshinshi 0,5% qurady», - dep jazady Ulttyq bıýro.