Qazaqstanda árbir joǵary oqý ornynda sport klýbtary qurylatyn bolady - T. Balyqbaev
ALMATY. QazAqparat - Qazaqstanda jaqyn bolashaqta árbir joǵary oqý ornynda sport klýbtary qurylatyn bolady. Bul týraly búgin Almatyda ótken baspasóz máslıhaty barysynda QR Bilim jáne ǵylym vıtse-mınıstri Tahır Balyqbaev málim etti.
«Ulttyq respýblıkalyq qysqy Ýnıversıadanyń arqasynda joǵary oqý oryndarynda sportqa jete mán beriletin bolady. Nege? Elimizde 2014 jyly ulttyq stýdenttik Lıga qurylǵanyn bilesizder. Sonyń aıasynda 2014 jyly fýtzaldan, 2015 jyly basketboldan jarystar ótkizildi. Bıyl voleıboldan ótkizýdi josparlap otyrmyz. Qazir elimizde sport klýbtary bar 35-ten astam joǵary oqý orny osy ulttyq stýdenttik Lıga oıyndaryna qatysady. Eger buryn olar tek óz stýdentteriniń kúshine arqa súıep kelgen bolsa, qazir jas, daryndy sportshylardy ózderine tarta bastady. ıAǵnı, olardy stýdent retinde qabyldap, jarystarǵa salady. Sondyqtan, biz bıyl árbir joǵary oqý ornynda sport klýbtaryn qurý kerektigi týraly bastama kóterdik. Solardyń negizinde aldaǵy ýaqytta kóptegen sport túrlerinen ulttyq stýdenttik lıgalar quralatyn bolady. Olar keıin stýdenttik sport federatsııalaryna tirkeledi», - dedi T. Balyqbaev.
