Qazaqstanda árbir on ekinshi turǵyn arterııalyq gıpertonııamen aýyrady - kardıolog
Bul týraly Kardıologııa jáne ishki aýrýlar ǵylymı-zertteý ınstıtýty (ǴZI) joǵary sanatty kardıolog dárigeri Juldyzaı Egembaeva aıtty, dep habarlaıdy QazAqparat tilshisi.
Onyń aıtýynsha, jyl saıyn álemde 20 mln-ǵa jýyq adam júrek-qan tamyrlary aýrýlarynan kóz jumady. Bul Beıjiń, Shanhaı, Tokıo, Delı sııaqty iri megapolıstiń halqymen teń. Qazaqstandaǵy júrek-qan tarmyrlary aýrýlaryna keler bolsaq, jaǵdaı máz emes.
«Qazaqstanda árbir 33-shi turǵynda qan aınalym júıesi aýrýlarynyń sımptomdary, árbir 12-shi turǵynda joǵary qan qysymynyń klınıkalyq sımptomdary bar, 19 mıllıonnan 1,5 mln adam arterııalyq gıpertonııa boıynsha esepte tur, júrektiń ıshemııalyq aýrýy jáne gıpertonııanyń úlesine qan aınalymy júıesiniń barlyq buzylystarynyń 60%-y tıesili»,- deıdi Juldyzaı Egembaeva .
Dúnıejúzilik júrek federatsııasynyń málimetteri boıynsha, eger salaýatty ómir saltyn ustanyp, temeki shegý, tamaqtaný jáne dene qımylynyń belsendiligi baqylanatyn bolsa ınfarkt pen ınsýlttan bolatyn mezgilsiz ólimniń 80%-nyń aldyn alýǵa bolady.
Júrek-qan tamyrlary aýrýlaryna shaldyqqan nemese joǵary qan qysymy, qant dıabeti, gıperlıpıdemııa nemese damyp kele jatqan aýrý bolǵan jaǵdaıda mundaı aýrýlardyń qaýpi joǵary adamdar erte anyqtaýdy jáne keńes berý arqyly, qajet bolǵan jaǵdaıda dári-dármekterdi qabyldaýdy qajet etedi.
«Sońǵy jyldary júrek-qan tamyrlary aýrýlarynyń, onyń ishinde eńbekke qabiletti jastaǵy erler men áıelder arasynda mıokard ınfarktisiniń «jasarýynyń» turaqty úrdisi baıqalyp otyr», - deıdi kardıolog
Dárigerdiń sózinshe, zamanaýı dıagnostıkanyń deńgeıi patologııalyq protsess qaıtymdy jáne emdelýge keletin júrek-qantamyr júıesiniń kóptegen aýrýlaryn erte kezeńde anyqtaýǵa múmkindik beredi.
Júrek aýrýlaryn zertteýdiń ádisteri fızıkalyq, zerthanalyq jáne aspaptyq bolyp bólinedi.
Dárigerdiń birinshi qabyldaýda oryndaıtyn zertteýdiń fızıkalyq ádisterine:
- teri jáne shyryshty qabyqtardy qaraý;
- palpatsııa – basyp qaraý;
- perkýssııa – soǵyp qaraý;
- aýskýltatsııa – tyńdaý kiredi.
«Qarapaıymdylyǵyna qaramastan, zertteýdiń fızıkalyq ádisteri dárigerge aldyn ala dıagnoz qoıýǵa, qajetti zerthanalyq jáne apparattyq zertteýlerdiń sheńberin anyqtaýǵa múmkindik beredi. Júrek-qantamyr aýrýlaryn dıagnostıkalaý kezinde zerthanalyq taldaýlar jalpy klınıkalyq jáne arnaıy bolyp bólinedi. Kardıologııalyq beıindegi patologııalardy anyqtaýǵa arnalǵan qan taldaýlary júrek pen tamyrlar aýrýlarynyń damý qaýpiniń faktorlaryn baǵalaýǵa, júrek tamyrlarynyń erte jáne jasyryn zaqymdanýlaryn anyqtaýǵa múmkindik beredi.
- Zertteýdiń aspaptyq ádisterine:
- Elektrokardıografııa (EKG)
- Holter boıynsha arterııalyq qan qysymyn táýliktik monıtorıngileý
- Ehokardıografııa
- Júrek jáne tamyrlardyń dopplerlik zertteýi
- Angıokardıografııa
Almaty qalasynyń Bostandyq aýdany jáne ońtústik-batys bóliginde turatyn patsıentterge qolaıly bolýy úshin Kardıologııa jáne ishki aýrýlar ǴZI basshylyǵy Pıatnıtskıı k-si, 52 mekenjaıy boıynsha halyqqa tolyq kardıologııalyq kómekti uıymdastyrý týraly sheshim qabyldady. Siz munda:
- kardıologtyń konsýltatsııasyn;
- EKG, EKG holter monıtorıngileýin jáne arterııalyq qan qysymynyń táýliktik monıtorıngileýiniń túsindirmesin;
- ehokardıografııa jasaý (júrektiń ýlradybystyq zertteýi);
- júkteme synamalaryn júrgizý;
- plevra qýysynyń ýlradybystyq zertteýin jasaı alasyz.
Qabyldaý: kún saıyn, senbi jáne jeksenbi kúnderinen basqa kúnderi saǵat 9:00 - 15:00 deıin. 8727-309-08-99 telefony arqyly jazyla alasyz.