Qazaqstanda árbir altynshy júktilik túsik jasatýmen aıaqtalady

ASTANA. QazAqparat – 2013 jylǵa deıin Qazaqstanda túsik jasatý kórsetkishiniń azaıýy tirkeldi. Bul týraly «Jynystyq jáne reprodýktıvtik densaýlyq qaýymdastyǵy» qoǵamdyq birlestiginiń dırektory Galına Grebennıkova aıtty, dep habarlaıdy QazAqparat tilshisi.

«Jalpy, Qazaqstanda 2013 jylǵa deıin aborttyń azaıýy úrdisi óte jaqsy boldy. Alaıda keıingi kezde bul kórsetkishtiń artqanyn baıqap otyrmyz», - dedi Galına Grebennıkova elordadaǵy otbasy, demografııa jáne genderlik saıasat máseleleri jónindegi halyqaralyq ǵylymı konferentsııa barysynda.

Onyń aıtýynsha, bul máselede túrli sebep bar. ıAǵnı otbasyn josparlaý máseleleri men kontratseptsııa qyzmetteriniń bolmaýy jáne densaýlyq jaǵdaıynyń problemalary kezdesedi.

«Osy rette túrli sebepterdi aıtýǵa bolady. Solardyń biri retinde kontratseptsııa qyzmetteri aıtarlyqtaı qymbatqa túsýin aıtýǵa bolady. Osy máselelerdi eskere otyryp, Qazaqstanda árbir altynshy júktilik túsik jasatýmen aıaqtalady», - dedi Galına Grebennıkova.

Budan buryn habarlanǵandaı, Qazaqstandaǵy ıÝNFPA-nyń jynystyq jáne reprodýktıvti densaýlyq jónindegi jobasynyń úılestirýshisi Gaýhar Abýova áıelderdiń 35 jastan keıin bala týý kórsetkishi eki esege jýyq azaıǵanyn aıtty.

Aıta keteıik, 17 qarashada elordada Otbasy, demografııa jáne genderlik saıasat máseleleri jónindegi halyqaralyq ǵylymı konferentsııa bastaldy.