Qazaqstanda árbir altynshy adam MÁMS júıesine tirkelmegen - depýtat
«Ár túrli máseleler boıynsha aýyldyq jerlerge jıi baramyz. Biz onda MÁMS boıynsha máseleni kóterdik, óıtkeni aýyldardaǵy adamdardyń kópshiliginde turaqty tabys joq, olar aýdarym jasamaıdy. Olar tipti flıýorografııadan ótpeıdi, terapevten dári-dármek nemese medıtsınalyq keńes ala almaıdy, óıtkeni olar jarna tóleýshi emes. Jalpy, Qazaqstan boıynsha eldiń árbir altynshy azamaty MÁMS júıesinde tirkelmegen. Demek, júıe jumys istemeıdi jáne sapaly medıtsınalyq qyzmet alý úshin halyqtyń suranystaryna tıisti dárejede jaýap bermeıdi degen tujyrym jasadyq», - dedi Ashat Rahymjanov.
Onyń aıtýynsha, ózin-ózi jumyspen qamtyǵandar úshin mınımaldy aýdarymdar engizilse de, kóptegen adamdar jarna tólemeıdi. Depýtat bul júıege kózqarasty qaıta qaraý kerek dep sanaıdy.
«Mysaly, eki apta buryn MÁMS aýdarymyn tólemeıtin adamdar júgindi. Olardyń sozylmaly aýrýlary bar, tegin medıtsınalyq dári almaıdy. Bul dáriler MÁMS engizilgenge deıin berilip kelgen. Árıne, adamdar bul júıege narazylyq kórsetedi. Bizdiń partııamyz (JSDP) bilim men medıtsına tolyǵymen tegin bolýy kerek dep sanaıdy, óıtkeni deni saý adam memleket pen qoǵamǵa paıda ákeledi. Turaqty tabys bolmasa, eńbek naryǵy shaıqalyp turǵan sátte memleket bul jaýapkershilikti tolyq óz moınyna alýy tıis», - dep esepteıdi depýtat Ashat Rahymjanov.
Májilismen barlyq medıtsınalyq sala adamdar úshin barynsha ashyq bolýy kerektigin atap ótti.
«Bizde tym kóp jabyq zattar bar. Adamdar bul qarajatty ne úshin tóleıtinin túsinbeıdi. Bálkim azamattar alýǵa quqyly basqa da qyzmetter bar shyǵar, biraq ony qalaı alý kerektigin bilmeıdi. Kóptegen analar 7 jasqa deıingi balasy aýyrǵanda dáriler tegin beriletinin bilmeıdi. Muny kóbirek adamdardyń bilýine jaǵdaı jasaýymyz kerek. MÁMS júıesinen at tóbelindeı adam ǵana paıda kórip otyr. Ony alyp tastap, memlekettik bıýdjet esebinen tegin medıtsınalyq sala jasaý kerek. Meniń oıymsha, memleket medıtsınany tegin ete alady», - deıdi A. Rahymjanov.
