Qazaqstanda árbir 15-shi bala semizdikten zardap shegedi - mınıstrlik
«Sońǵy 5 jylda jasóspirimder arasyndaǵy semizdik 15 protsentke ulǵaıǵan. Balalar arasynda júrgizilgen ulttyq zertteýler 8-10 jastaǵy árbir besinshi balanyń artyq salmaqtan zardap shegetinin kórsetti. Al elimizdegi árbir 15-shi bala semizdikke shaldyqqan», - dedi QR Densaýlyq saqtaý mınıstrligi Qoǵamdyq densaýlyq saqtaý departamentiniń dırektory Aıjan Esmaǵambetova Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, semizdiktiń basty sebebi fast-fýdty jıi tutyný bolyp otyr.
«Durys tamaqtanbaý saldarynan ınfarkt, ınsýlt, onkologııa jáne semizdik aýrýlary paıda bolady. Júrgizilgen zertteý nátıjeleri elimizdegi 80% balalardyń fast-fýdty tutynatynyn kórsetti. Onyń 13 protsenti kúndelikti fast-fýdpen tamaqtanady. Quramynda tuz, qant, transmaılary kóp ónimderdi kóp tutynýǵa bolmaıdy. Az qozǵalý da densaýlyqqa zııan. Ásirese balalarǵa durys tamaqtanýdyń mańyzy zor. Sebebi, durys tamaqtanbaý ádeti bala kezden qalyptasyp, ómir boıy zardabyn tıgizedi», - deıdi mınıstrlik ókili.
Sondaı-aq, A. Esmaǵambetova álemdik derekterge sáıkes, ýaqytsyz ólimderdiń 80 protsenti tórt negizgi qaýippen baılanysty ekenin jetkizdi. Olar - temeki men ishimdik, durys tamaqtanbaý jáne az qozǵalý.
Aıta keteıik, 7 sáýir kúni Qazaqstanda Dúnıejúzilik densaýlyq saqtaý kúni atalyp ótedi. Bul kúni elimizdiń barlyq medıtsınalyq uıymdarynda ashyq esik kúni uıymdastyrylady jáne kez kelgen nıet bildirýshi tegin tekserýden ótip, arnaıy mamandardan konsýltatsııalyq kómek ala alady.
Basty foto: news2world.net