Qazaqstanda aralas jekpe-jekten áýesqoı sportshylar básekesi ótedi
ASTANA. QazAqparat - 20 qyrkúıek kúni Qazsport telearnasynan «Qazagstan FIGHTER» jobasy kórsetile bastaıdy. Bul jobada jas áýesqoı sportshylar aralas jekpe-jekten «Qazaqstannyń eń myqty sportshysy» ataǵy úshin synǵa túsedi, dep habarlaıdy QazAqparat tilshisi.
Ústimizdegi jyldyń maýsym aıynda 18 ben 29 jas aralyǵyndaǵy aralas jekpe-jekpen aınalysýshy áýesqoılarǵa arnalǵan respýblıkalyq deńgeıde kastıng ótti. Kastıng nátıjesinde elimiz boıynsha 100 úmitker iriktep alyndy, odan soń ekinshi kezeń synaǵynda myqty degen 32 qatysýshy tańdaldy.
«Qazagstan FIGHTER» jobasy tek qana áýesqoı sportshylarǵa arnalǵan. Biz osy arqyly kásibı sportta jetistikke jetkisi keletin árbir qazaqstandyqqa múmkindik berýdemiz. Qatysý múmkindigi men qoıylatyn talap barlyǵyna birdeı. Taǵy bir aıta ketetin jaıt, bul tek qana televızııalyq-sporttyq shoý-baǵdarlama ǵana emes, jobada úzdik dep tanylǵan sportshylarǵa bolashaqta álemdik jarystarda Qazaqstannyń namysyn qorǵaýǵa múmkindik beriledi»,- dedi «Qazsport» telearnasynyń dırektory Pavel Tsybýlın OKQ-de ótken baspasóz máslıhatynda.
«Qazsport» telearnasy basshysynyń aıtýynsha, atalǵan joba - eń aldymen elimizdiń túkpir-túkpirindegi jekpe-jek kúresimen aınalysqysy keletin jas jetkinshekter úshin taptyrmas múmkindik.
«Qazagstan FIGHTER» jobasy 20 qyrkúıekte Qazsport jáne 22 qyrkúıekten bastap «Qazagstan arnasynan kórsetiledi. Fınal osy jyldyń jeltoqsan aıyna josparlanǵan.
Buǵan deıin aıtqanymyzdaı, Qazagstan jáne Qazsport telearnalary UFC jekpe-jekterin kórsetý quqyǵyna ıe boldy.
Foto: kaztrk.kz
