Qazaqstanda araq-sharap shyǵaratyn 9 zaýyttyń zańsyz áreketteri anyqtaldy
ASTANA. QazAqparat - Bir jarym jylda araq-sharap shyǵaratyn 9 zaýyttyń zańsyz áreketteri anyqtaldy. Bul týraly búgin Ortalyq kommýnıkatsııalar qyzmetindegi brıfıngte agenttik tóraǵasynyń orynbasary Marat Ahmetjanov málim etti.
«Taldamalyq zertteýlerdiń negizinde jedel-izdestirý is-sharalary júrgizilip, nátıjesinde tek ótken jáne aǵymdaǵy jylda 9 óndirýshi zaýyttyń esepke alynbaǵan ónimderdi óndirý qyzmetiniń joly kesildi», - dedi M. Ahmetjanov.
Onyń sózine qaraǵanda, jalpy, alkogol ónimderiniń zańsyz aınalymyna baılanysty 205 qylmys tirkelip, jalǵan ónim óndirýshi 27 jasyryn tseh anyqtaldy. Eki jarym mln. eseptelmegen alkogol ónimderi tárkilendi.
Belgili bolǵandaı, Qazaqstanda resmı túrde 22 zaýyt jumys isteıdi. Onyń jartysyna jýyǵy esepke alynbaǵan ónimdi shyǵarýmen aınalysqan kórinedi.
