Qazaqstanda araq-sharap az ishiledi - Ulttyq ortalyq
ASTANA. QazAqparat - Qazaqstan Respýblıkasynyń Densaýlyq saqtaý jáne áleýmettik damý mınıstrliginiń Salaýatty ómir saltyn qalyptastyrý problemalary ulttyq ortalyǵy 20-29 qazany aralyǵynda ishimdikten bas tartýǵa shaqyratyn onkúndik ótkizetindigin habarlady. Іs-shara alkogoldi tutynýdan bas tartý kúni - 29 qazanǵa oraılastyrylyp otyr.
Qazaqstanda SÓSQPUO júrgizgen 5-shi Ulttyq zertteý júrgizý málimeti boıynsha, alkogoldi sýsyndardy tutyný 1998 jyl men 2012 jyl aralyǵynda tómendeýi baıqalǵan. Mysaly, 1998 jyly 55 paıyz bolsa, 2012 jyly 31,8 paıyz bolǵan.
Qazir Qazaqstan Respýblıkasynda alkogoldi satý men tutynýdy shekteýdi retteıtin zańnamalyq-normatıvtik baza qurylǵan. «Halyq alkogolge táýeldilik sozylmaly, óte qaýipti psıhologııalyq aýrý ekenin bilýi qajet, sondyqtan densaýlyqty saqtaý men uzaq ómir súrý úshin joǵary bilikti narkolog, psıholog, psıhoterapevt jáne basqa mamandardyń qoldaýy arqyly ony der kezinde anyqtap, emdeý mańyzdy», delingen Salaýatty ómir saltyn qalyptastyrý problemalary ulttyq ortalyǵy taratqan málimette. Aıta keteıik, álemde ishimdikti shamadan tys tutynýdyń kesirinen jyl saıyn 3,3 mıllıon adam qaza bolady, ol ólim-jitim oqıǵasynyń 5,9 paıyzyn quraıdy. Araq adamnyń erte ólimine sebep bolady. 20-39 jastaǵy adamdar arasynda 25 paıyz ólim-jitim oqıǵasy araq-sharappen baılanysty.
