Qazaqstanda araq óndirisi 14 paıyzǵa ósken

NUR-SULTAN. QazAqparat – «Koronadaǵdarys» kezeńinde qazaqstandyqtar burynǵydan kóbirek araq ishe bastaǵan. Bul baǵytta zertteý júrgizgen energyprom.kz byltyr araq satylymy men lıkerli-araq ónimderiniń óndirisi 20 paıyzǵa artqanyn anyqtaǵan, dep habarlaıdy QazAqparat.

«2020 jyldyń qańtary men jeltoqsany aralyǵynda araq óndirisi 2019 jylmen salystyrǵanda 14 paıyzǵa nemese 22,2 mln lıtrge artqan. Al 2019 jylǵy kórsetkishti alyp qarasaq, 2018 jyly bul kórsetkish (óndiris kólemi) 38,7 paıyzǵa azaıǵan edi. Qazirgi ýaqytta Qazaqstannyń 17 óńiriniń 6-da araq óndirisi jolǵa qoıylǵan. Ásirese Aqmola oblysynda basqa óńirlerden qaraǵanda (7,5 mln lıtr) kóbirek óndiriledi. Odan keıin oryndarda Soltústik Qazaqstan (5,6 mln lıtr) men Almaty oblysy (3,7 mln lıtr) tur. Odan soń Shymkent qalasy (845 myń lıtr) ornalasqan. Odan bólek Almaty men Aqtóbe oblystarynda 4,6 mln lıtr araq shyǵarylady», - delingen zertteýde.

Bólshektep satqan kezde elde araqtyń bir lıtriniń ortasha baǵasy 3203 teńgeni kórsetip tur.

«Eń qymbat araqtar iri qalalar men megapolısterde satylady. Elordada araqtyń lıtriniń ortasha baǵasy 3962 teńge. Baǵanyń qymbattyǵy jaǵynan odan keıin oryndarda Atyraý (lıtri 3931 tg ) men Aqtaý (lıtri 3578 tg) tur. Eń arzan araq Semeı (lıtri 2698 tg), Óskemen (lıtri 2702 tg) jáne Tarazda (lıtrine 2736 tg) eken.

Araq Qazaqstanyń barlyq aımaǵynda qymbattaǵan. Bul faktor ásirese Qyzylorda jáne Kókshetaý, Qaraǵandy qalalarynda baıqalady.