Qazaqstanda APV-ǵa qarsy vaktsına 14–17 jastaǵy qyzdarǵa da salynady
ASTANA. KAZINFORM – QR Densaýlyq saqtaý mınıstrligi adam papıllomasy vırýsyna (APV) qarsy vaktsınatsııalaýǵa jatatyn qyzdardyń jas sanatyn keńeıtti.
Qazirgi ýaqytta elde 11 jastaǵy qyzdardy josparly vaktsınatsııalaý jáne 12-13 jastaǵy qyzdardy tolyqtyra ımmýndaý jalǵasyp jatyr.
Densaýlyq saqtaý mınıstrliginiń málimetinshe, 2026 jylǵy 1 mamyrdaǵy jaǵdaı boıynsha 11-13 jastaǵy qyzdarǵa 398 myńnan astam ekpe salynǵan. Onyń ishinde 248 myńy birinshi dozany, 150 myńy ekinshi dozany alǵan.
Immýndaýdan keıin qolaısyz jaǵdaılar tirkelmegen.
- Sonymen qatar azamattardan APV-ǵa qarsy vaktsınatsııa jasyn keńeıtý týraly ótinishter tústi. Osyǵan baılanysty QR Bas memlekettik sanıtarııalyq dárigeri 2026 jylǵy 13 mamyrda 14–17 jas aralyǵyndaǵy qyzdarǵa qosymsha vaktsınatsııa júrgizý týraly №7 qaýlyǵa qol qoıdy. Qujatqa sáıkes, APV-ǵa qarsy vaktsına 14 jastan 17 jas 11 aı 29 kúnge deıingi qyzdarǵa erikti túrde salynady, - dep jazdy mınıstrlikten.
Vaktsınatsııa ata-anasynyń nemese zańdy ókiliniń kelisimimen júrgiziledi.
Ekpe bilim berý uıymdarynyń medıtsınalyq kabınetterinde nemese tirkelgen jeri boıynsha emhanalarda salynady.
Mınıstrlik qosymsha vaktsınatsııa qolda bar vaktsına qory esebinen júrgiziletinin málimdedi.
Aıta keteıik, adam papıllomasy vırýsy onkologııalyq aýrýlardyń, sonyń ishinde jatyr moıny obyrynyń negizgi sebepteriniń biri sanalady.
Buǵan deıin elde qyzmetkerdiń skrınıngtik zertteýden ótý tártibi naqtylanǵany habarlandy.
